Al Tahawi: Hadith 6886

٦٨٨٣: عمرہ بنت عبدالرحمن حضرت امّ المؤمنین عائشہ (رض) سے روایت کرتی ہیں کہ جناب رسول اللہ (صلی اللہ علیہ وآلہ وسلم) کے ہاں ایک آدمی کو چھینک آئی تو اس نے عرض کیا اے نبی اللہ (صلی اللہ علیہ وآلہ وسلم) ! میں کیا الفاظ کہوں آپ نے فرمایا تم الحمداللہ کہو۔ دوسرے حضرات نے دریافت کیا یارسول اللہ (صلی اللہ علیہ وآلہ وسلم) ہم کیا کہیں آپ نے فرمایا تم یرحمک اللہ کہو۔ اس چھینکنے والے نے دریافت کیا میں ان کو جواب میں کیا کہوں۔ آپ نے فرمایا تم کہو۔ ” یہدیکم اللہ ویصلح بالکم “ فریق اوّل کا کہنا ہے کہ جناب نبی اکرم (صلی اللہ علیہ وآلہ وسلم) نے یہ الفاظ ” یہدیکم اللہ ویصلح بالکم “ اس لیے فرمائے کہ آپ کی مجلس میں یہودی تھے اور حضرت عائشہ (رض) کی روایت میں ان الفاظ کی جو تعلیم مذکور ہے۔ تو اس وقت بھی وہاں یہود موجود تھے۔ انھوں نے اس سلسلہ میں حضرت ابو بردہ کی روایت ذکر کی ہے۔
تخریج : مسند احمد ٢؍٣٥٣‘ ٤؍٤٠٠‘ ٤١١‘ ٥‘ ٤١٩؍٤٢٢‘ ٦؍٧٩۔