Al Tahawi: Hadith 6966

٦٩٦٣: عطیہ نے حضرت ابو سعید (رض) سے انھوں نے روایت کی کہ جناب نبی اکرم (صلی اللہ علیہ وآلہ وسلم) نے فرمایا کوئی بیماری متعدی نہیں ‘ نہ بدفالی ہے۔ اگر کسی چیز میں نحوست ہوتی تو وہ عورت ‘ گھوڑے اور گھر میں ہوتی۔ اس روایت میں ان روایات کے خلاف مضمون ہے جو کہ پہلے حصہ باب میں وارد ہوئی ہیں وہ یہ کہ حضرت سعد (رض) نے سعید کو بدفالی کے تذکرہ پر ڈانٹا اور بتلایا کہ جناب رسول اللہ (صلی اللہ علیہ وآلہ وسلم) نے تو اس کی نفی کی ہے کہ کوئی بدفالی نہیں پھر فرمایا اگر یہ ہوتی تو پھر ان تینوں چیزوں میں ہوتی گھر ‘ گھوڑا اور عورت۔ (کیونکہ یہ اکثر آدمی کے ساتھ رہتی ہیں) ۔ یہ نہیں بتلایا کہ ان میں نحوست پائی جاتی ہے بلکہ فرمایا اگر کسی چیز میں ہوتی تو ان میں ہونی چاہیے تھی۔ جب ان میں نہیں تو کسی چیز میں نہیں۔ اور حضرت عائشہ (رض) سے جناب رسول اللہ (صلی اللہ علیہ وآلہ وسلم) کا فرمان دیگر الفاظ میں وارد ہوا ہے۔
روایات حضرت عائشہ (رض) ملاحظہ ہوں۔