Al Tahawi: Hadith 6976

٦٩٧٣: سعید بن مسیب (رض) نے حضرت ابوہریرہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا تم مجھے موسیٰ (علیہ السلام) پر فضیلت مت دو ۔ بیشک لوگ قیامت کے دن بےہوش ہوجائیں گے میں سب سے پہلے ہوش میں آؤں گا۔ اچانک موسیٰ (علیہ السلام) کو دیکھوں گا کہ وہ عرش کے پائے کو مضبوطی سے پکڑے ہوئے ہیں مجھے معلوم نہیں کہ آیا وہ بےہوش ہونے والوں میں بیہوش ہوئے اور پھر مجھ سے پہلے ان کو ہوش آگیا یا وہ ان لوگوں سے ہیں جن کو اس سے مستثنیٰ کیا گیا ہے۔ (الا من شاء اللہ کی طرف اشارہ فرمایا) جناب رسول اللہ (صلی اللہ علیہ وآلہ وسلم) نے موسیٰ (علیہ السلام) پر فضیلت سے منع فرمایا اور یہ فرمایا کہ مجھے پہلے ہوش آئے گا تو میں موسیٰ (علیہ السلام) کو کھڑا پاؤں گا۔ اب مجھے معلوم نہیں کہ آیا وہ بےہوش ہونے والوں سے ہیں یا وہ ان لوگوں سے ہیں کہ جن کو اس بےہوشی سے مستثنیٰ کردیا گیا ہے۔ پس ہمارے ہاں اس کا مطلب یہ ہے کہ آپ نے اس بات کو جائز قرار دیا کہ موسیٰ (علیہ السلام) ان لوگوں سے ہوں جو کہ بےہوشی سے مستثنیٰ ہوں اور انھیں بےہوشی پہنچی ہی نہیں تو اس لحاظ سے ان کو فضیلت حاصل ہو یا وہ بےہوش ہوئے مگر آپ سے پہلے ان کو افاقہ ہوگیا (اس لحاظ سے فضیلت ہو) تو دونوں ایک ہی درجہ میں ہوئے اس لیے کہ دونوں میں بےہوشی طاری ہوئی تو جناب نبی اکرم (صلی اللہ علیہ وآلہ وسلم) نے اس وجہ سے حضرت موسیٰ (علیہ السلام) پر اپنی فضیلت ظاہر کرنے کو ناپسند فرمایا کیونکہ ممکن ہے کہ وہ بےہوشی سے محفوظ رہے ہوں حالانکہ جناب رسول اللہ (صلی اللہ علیہ وآلہ وسلم) سے یہ بھی مروی ہے کہ آپ (صلی اللہ علیہ وآلہ وسلم) نے ارشاد فرمایا کسی آدمی کو یہ کہنا جائز نہیں ہے کہ میں حضرت یونس بن متی سے افضل و بہتر ہوں۔ روایت یہ ہے :
تخریج : بخاری فی الخصومات باب ١‘ احادیث الانبیاء باب ٣١‘ تفسیر سورة ٨‘ مسلم فی الفضائل ١٦٠‘ ابو داؤد فی السنہ باب ١٣‘ مسند احمد ٢؍٢٦٤۔