Al Tahawi: Hadith 7219

٧٢١٦: عبدالرحمن بن یزید نے حضرت جابر (رض) سے روایت کی ہے پھر اسی طرح ان کی اسناد والی روایت کی گئی ہے۔ امام طحاوی (رح) کہتے ہیں : کچھ لوگ اس طرف گئے ہیں کہ جو اتنی مقدار یعنی صبح و شام کے کھانے کا مالک ہوگا اس پر صدقہ حرام ہے اور اس کو سوال درست نہیں اور انھوں نے اس روایت سے استدلال کیا ہے۔ فریق ثانی کا مؤقف ہے کہ جو شخص ایک اوقیہ چاندی کا مالک ہو کہ جس کی مقدار چالیس درہم ہے یا اس کے برابر سونا ہو تو اس پر صدقہ حرام ہے اور اس کو سوال جائز نہیں اور جو اس سے کم کا مالک ہو اس پر صدقہ حرام نہیں ہے انھوں نے مندرجہ ذیل روایات سے استدلال کیا ہے۔