Al Tahawi: Hadith 748

٧٤٨: یحییٰ بن ایوب عن ابی حنیفہ و موسیٰ بن عقبہ نے ابو اسحق ہمدانی سے اور انھوں نے اسود بن یزید سے نقل کیا کہ حضرت عائشہ (رض) کہتی ہیں کہ جناب رسول اللہ (صلی اللہ علیہ وآلہ وسلم) جماع کرتے پھر دوبارہ کرتے اور وضو (درمیان میں) نہ کرتے اور سو رہتے اور غسل نہ کرتے۔ پس یہ جو روایت میں آپ کا کسی کام کو نہ کرنا مذکور ہے کہ جب آپ نیند سے پہلے جماع کرتے اس سے مراد غسل ہے اور یہ وضو کے منافی نہیں اور ابن عمر (رض) نے جناب رسول اللہ (صلی اللہ علیہ وآلہ وسلم) سے اس طرح کی روایت کی ہے۔
حاصل روایات : پس آپ (صلی اللہ علیہ وآلہ وسلم) کے متعلق یہ جو منقول ہے کہ آپ نہیں کرتے تھے جبکہ نیند سے پہلے جماع کرتے تو اس سے مراد غسل کا فعل ہے اور یہ بات وضو کے منافی نہیں ہے۔