١٣٠٢: عبیداللہ بن ابی رافع علی بن ابی طالب (رض) سے اور وہ جناب رسول اللہ (صلی اللہ علیہ وآلہ وسلم) سے نقل کرتے ہیں کہ جب وہ فرض نماز کے لیے کھڑے ہوتے تو تکبیر کہتے اور اپنے ہاتھوں کو کندھوں کے برابر بلند کرتے اور اسی طرح کرتے جبکہ اپنی قراءت پوری کر چکتے اور رکوع کا ارادہ کرتے اور اس وقت کرتے جب رکوع سے فارغ ہو کر رکوع سے سر اٹھاتے اور اپنی نماز میں کسی جگہ بھی ہاتھ نہ اٹھاتے جب قعدہ کرتے اور جب دونوں سجدوں سے اٹھتے تو اسی طرح ہاتھ بلند کرتے اور تکبیر کہتے۔
تخریج : ابو داؤد فی الصلاۃ باب ١١٦‘ نبمر ٧٤٤‘ ترمذی فی الصلاۃ با ٧٦‘ نمبر ٢٥٥۔
خلاصہ الزام : تکبیر افتتاح میں رفع یدین تو سب کے ہاں مسلم ہے البتہ تکبیر رکوع ‘ تکبیر سجود اور قعدہ سے قیام کی تکبیر رفع یدین امام شافعی ‘ امام احمد (رح) کے ہاں لازم ہے اور صحابہ کرام میں ابن عمر ‘ ابن عباس ‘ ابن زبیر اور ابوہریرہ (رض) اس کے قائل ہیں۔ فریق ثانی : ان تینوں مواقع میں رفع یدین نہیں یہ امام ابوحنیفہ ‘ ابرہیم نخعی (رح) اور خلفاء راشدین ‘ ابن مسعود ‘ عشرہ مبشرہ کا طرز عمل ہے۔