١٣٢١: ابوبکر نہشلی نے عاصم بن کلیب اور انھوں نے اپنے والد سے بیان کیا کہ حضرت علی (رض) نماز کی افتتاحی تکبیر میں ہاتھ اٹھاتے پھر اس کے بعد نماز میں ہاتھ نہ اٹھاتے تھے یہ کلیب علی (رض) کے قابل اعتماد حلقہ احباب میں سے تھے۔
تخریج : ابن ابی شیبہ ١؍١١٣۔
حاصل روایت یہ ہے کہ عبدالرحمن بن ابی الزناد تو رفع یدین نقل کر رہے ہیں اور کلب حضرت علی (رض) سے عدم رفع نقل کرتے ہیں اب روایت عبدالرحمن بن ابی الزناد میں تین احتمال ہیں۔
نمبر !: عبدالرحمن بن ابی الزناد خود متکلم فیہ راوی ہے تو سقیم و کمزور راوی کی روایت مضبوط راوی کے مقابلے قابل احتجاج نہیں۔
نمبر ": دوسرا احتمال عبدالرحمن بن ابی الزناد کی روایت میں سرے سے رفع یدین کا تذکرہ ہی نہیں جیسا کہ دیگر رواۃ نے اس کو نقل کیا ہے۔