١٣٥٧: ابو عامر نے ابن ابی الذئب سے پھر انھوں نے اپنی سند سے اسی طرح روایت نقل کی ہے۔ امام طحاوی (رح) فرماتے ہیں : کچھ لوگ ان روایات کی طرف گئے ہیں اور انھوں نے کہا کہ رکوع اور سجدے کی وہ مقدار جس سے کم جائز نہیں وہ یہی مقدار ہے جو اس روایت میں مذکور ہے۔ دیگر علماء نے ان کی مخالفت کرتے ہوئے کہا کہ رکوع کی کم از کم مقدار یہ ہے کہ رکوع میں پہنچ کر رکوع کی حالت درست ہوجائے اور سجدے کی مقدار یہ ہے کہ سجدہ کرے اور اس سے اطمینان حاصل ہوجائے۔ یہ وہ مقدار ہے جس کے بغیر چارہ کار نہیں۔ اور انھوں نے ان روایات کو دلیل بنایا۔
حاصل روایات : یہ ہے تین مرتبہ تسبیح سے کم مقدار سب سے نچلا درجہ ہے اور تین دفعہ کہہ لینے والے کو سجدہ ‘ رکوع کا مکمل کرنے والا شمار کیا گیا ہے اس سے ثابت ہوا کہ یہ مقدار فرض ہے اور اس کے بغیر رکوع و سجدہ درست نہیں۔
مؤقف ثانی :
رکوع و سجدہ کی مقدار جو فرض قرار دی گئی وہ اس قدر بس ہے کہ نمازی کے اعضاء اپنے ٹھکانے پر پہنچ جائیں اور یہی مقدار فرض ہے ان کا استدلال مندرجہ ذیل روایات سے ہے۔