١٣٨٤: ابوالاحوص نے عبداللہ (رض) سے نقل کیا کہ ہم پہلے نہ جانتے تھے کہ دو رکعتوں کے درمیان کیا کہیں ہم فقط تسبیح و تکبیر وحمد پڑھتے تھے اور یہ کہ محمد (صلی اللہ علیہ وآلہ وسلم) کو واضح کلمات اور جامع کلمات یا انتہائی کامل کلمات دیئے گئے ہیں (ہم کہتے تھے) اس پر آپ (صلی اللہ علیہ وآلہ وسلم) نے فرمایا جب دو رکعات کے بعد قعدہ کرو تو تم اس طرح کہو پھر تشہد ابن مسعود (رض) ذکر کیا (یعنی التحیات اللہ والصلوات والطیبات آخر تک) پھر فرمایا تم اپنی پسندیدہ دعا پڑھو جس میں اپنے رب سے مانگو۔
تخریج : بخاری فی الاذان باب ١٥٠‘ مسلم فی الصلاۃ ٥٧؍٥٨‘ ابو داؤد فی الصلاۃ باب ١٧٨‘ مسند احمد ١؍٣٨٢؍٤١٣‘ ٤٢٨؍٤٣١۔