١٣٨٣: ابو عوانہ نے سلیمان سے اور انھوں نے شقیق سے اور انھوں نے عبداللہ بن مسعود (رض) سے نقل کیا ہے کہ ہم جناب رسول اللہ (صلی اللہ علیہ وآلہ وسلم) کے پیچھے تشہد میں بیٹھ کر اس طرح کہتے السلام علی اللہ وعلی عبادہ السلام علی جبرائیل و میکائیل ‘ السلام علی فلان و فلان تو جناب رسول اللہ (صلی اللہ علیہ وآلہ وسلم) نے فرمایا بیشک اللہ کی ذات السلام ہے تم اس طرح مت کہا کرو بلکہ اس طرح کہو : السلام علیک ایھا النبی۔۔۔ آخر تک جیسا تشہد ابن مسعود (رض) نماز میں پڑھا جاتا ہے پھر فرمایا تم میں سے ہر ایک پاکیزہ کلمات یا جو کلام یعنی دعا وہ پسند کرتا ہو وہ کہے۔
تخریج : بخاری فی الاذان باب ١٤٨؍١٥٠‘ مسلم فی الصلاۃ نمبر ٥٦‘ ابو داؤد فی الصلاۃ باب ١٧٨‘ نمبر ٩٦٨‘ نسائی فی التطبیق باب ١٠٠‘ ابن ماجہ فی الاقامہ باب ٢٤‘ نمبر ٨٩٩‘ مسند احمد ١؍٤١٣۔