١٤٠١: سعید اور ابو سلمہ دونوں نے حضرت ابوہریرہ (رض) کو فرماتے سنا کہ جناب رسول اللہ (صلی اللہ علیہ وآلہ وسلم) جب نماز فجر کی قراءت سے فارغ ہوجاتے اور تکبیر کہتے اور اپنا سر اٹھا کر سمع اللہ لمن حمدہ ربنا ولک الحمد کہتے اور آپ اس وقت حالت قیام میں ہوتے تو یہ کلمات کہتے اللہم انج الولید بن الولید ‘ سلمہ بن ہشام و عیاش بن ربیعہ والمستضعفین اللہم اشد وطأتک علی مضر واجعلھا علیہم کسنی یوسف اللہم العن لحیان ورعلا وذکوان وعصیۃ عصت اللہ ورسولہ ‘ اے اللہ ! ولید بن ولید سلمہ بن ہشام اور عیاش بن ربیعہ اور کمزوروں کو نجات عنایت فرما۔ اے اللہ ! اپنے بندھن کو مضر پر سخت کر دے اور ان پر یوسف (علیہ السلام) کے زمانے والا قحط مسلط فرما۔ اے اللہ ! لحیان ‘ رعل و ذکوان ‘ عصیہ پر لعنت فرما جنہوں نے آپ کی اور آپ کے رسول کی نافرمانی کی ہے۔
تخریج : روایت ١٣٩٨ کی تخریج ملاحظہ ہو۔
خلاصہ الزام : قنوت کے متعلق طویل کلام ہے جس کا خلاصہ یہ ہے۔
نمبر !: احناف و حنابلہ کے ہاں وتر میں تمام سال قنوت ہے مگر امام شافعی صرف رمضان میں مانتے ہیں امام مالک وتر میں قنوت نہیں مانتے۔
نمبر ": ہر قنوت شوافع و حنابلہ کے ہاں رکوع کے بعد مگر احناف قنوت وتر رکوع سے پہلے اور قنوت فجر رکوع کے بعد قرار دیتے ہیں۔
نمبر#: احناف قنوت میں اللہم انا نستعینک اور شوافع و حنابلہ قنوت نازلہ کے الفاظ کو مسنون کہتے ہیں امام مالک قنوت نازلہ مانتے ہیں۔
نمبر$: قنوت کی مشروعیت شوافع و مالکیہ کے ہاں پورا سال فجر میں ہے مگر احناف وتر میں ہمیشہ قنوت اور آفات کے وقت فجر میں رکوع کے بعد قنوت نازلہ کے قائل ہیں یہاں اسی سے متعلق بحث آئے گی۔
مؤقف اول : امام شافعی و احمد (رح) نماز فجر میں قنوت کو تمام سال مشروع کہتے ہیں جو مندرجہ ذیل روایات سے ماخوذ ہے۔