١٤٣٥: نعیم بن سلمہ کہتے ہیں ابن عمر (رض) سے قنوت کے متعلق سوال ہوا تو انھوں نے اسی طرح کی بات فرمائی جو پہلی روایت میں گزری صرف فرق یہ تھا ” مارأیت ولا علمت “ نہ میں نے یہ دیکھا اور نہ میں اسے جانتا ہوں۔ حضرت عبداللہ بن عمر (رض) کی روایت کی وضاحت اس سلسلہ میں اس طرح ہے کہ انھوں نے جناب رسول اللہ (صلی اللہ علیہ وآلہ وسلم) کو اس حالت میں دیکھا کہ جب آپ دوسری رکعت کے رکوع سے اٹھتے تو قنوت پڑھتے ‘ یہاں تک کہ { لیس لک من الامر القرآن } آیت نازل ہوئی۔ اس وقت آپ نے اس قنوت کو ترک کردیا۔ چنانچہ ابو مجلز نے ان سے دریافت کیا آپ بڑھاپے کی وجہ سے قنوت نہیں پڑھتے آپ نے فرمایا نہیں بلکہ مجھے تو تو اپنے کسی دوست کے متعلق بھی یہ بات یاد نہیں کہ انھوں نے جناب رسول اللہ (صلی اللہ علیہ وآلہ وسلم) کے چھوڑنے کے بعد اس کو اختیار کیا ہو۔ ابو شعثاء نے جب ان سے قنوت کے متعلق دریافت کیا اور خود ابن عمر (رض) ان کے سوال پر فرمایا وہ قنوت کیا ہے ؟ تو انھوں نے جواب بتلایا کہ امام جب دوسری رکعت کی قراءت سے فارغ ہوجائے تو وہ دعا مانگے۔ وہ فرمانے لگے میں نے تو کسی کو یہ عمل کرتے نہیں دیکھا اس لیے کہ جناب رسول اللہ (صلی اللہ علیہ وآلہ وسلم) کی قنوت تو رکوع کے بعد دعا کی صورت میں تھی۔ مگر رکوع سے پہلے انھوں نے نہ تو جناب رسول اللہ (صلی اللہ علیہ وآلہ وسلم) کو دیکھا تھا اور نہ کسی اور کو ‘ اس وجہ سے انھوں نے تعجب کرتے ہوئے انکار فرمایا۔ ہم نے ان کی جو روایت ذکر کی ہے اس سے رکوع کے بعد والی قنوت کا نسخ ثابت ہوگیا۔ اور رکوع ماقبل قنوت کی انھوں نے خود نفی کردی اور یہ واضح کردیا کہ جناب رسول اللہ (صلی اللہ علیہ وآلہ وسلم) اور آپکے بعد خلفاء کا یہ طرز عمل نہ تھا۔ قنوت کے منجملہ روات میں حضرت عبدالرحمن بن ابی بکر (رض) بھی ہیں۔ انھوں نے اپنی اس روایت میں جو ہم نے ذکر کی ‘ یہ واضح کردیا کہ آپ کی قنوت تو کفار کے خلاف بد دعا تھی۔ اور اللہ تعالیٰ نے { لیس لک من الامر القرآن } کے ذریعے اس کو منسوخ کردیا۔ اس روایت سے بھی نماز فجر میں قنوت کے ترک کا وجوب ثابت ہوا۔ قنوت کے روات میں حضرت خفاف بن ایمائ (رض) کا نام بھی آتا ہے ان کی روایت میں یہ ہے کہ آپ نے جب رکوع سے سر اٹھایا تو فرمایا کہ اللہ قبیلہ اسلم والوں کو سلامت رکھے اور غفار کی بخشش فرمائے اور عصبہ قبیلہ کے لوگوں نے اللہ اور اس کے رسول کی نافرمانی کی ‘ اے اللہ بنو لحیان اور ان کے ساتھ جو مذکور ہوئے ان پر لعنت کر۔ اس روایت کے مطابق جناب رسول اللہ (صلی اللہ علیہ وآلہ وسلم) نے بعض افراد و قبائل پر لعنت کی اور ابن عمر اور عبدالرحمن بن ابی بکر (رض) نے اپنی روایات میں بتلایا کہ آیت لیس لک اترنے پر اس لعنت کرنے کو ترک کردیا تھا۔ پس ان دونوں روایات میں خفاف بن ایمائ (رض) کی روایت کی طرح نسخ ہے۔ یہ دونوں روایات اس روایت سے اعلیٰ ہیں اگر حضرت خفاف (رض) کی روایت قنوت کے چھوڑنے کو لازم کر رہی ہے۔ اور قنوت کو روایت کرنے والوں میں حضرت براء بن عازب (رض) بھی ہیں ‘ ان کی روایت کا حاصل یہ ہے کہ آپ نماز فجر و مغرب میں قنوت پڑھتے تھے ‘ مگر اس قنوت کی حقیقت روایت میں مذکور نہیں۔ تو ممکن ہے کہ یہ وہی قنوت ہو جس کو ابن عمر اور عبدالرحمن ابن ابی بکر (رض) نے اپنی روایات میں ذکر کیا ‘ اور ان سے یہ منقول ہوئی پھر منسوخ ہوگئی اور اس کا نسخ بھی اس آیت سے ہوا اور اس میں فجر و مغرب کا اکٹھا ذکر کیا کہ ان میں قنوت پڑھی جاتی تھی۔ مغرب کے بارے میں تو ہمارے مخالفین کو بھی اتفاق ہے کہ وہ منسوخ ہوچکی۔ تو ہم کہتے ہیں فجر کے متعلق بھی یہی حکم ہے کسی نسخ کے بعد پڑھنا جائز نہیں۔ قنوت کے روات میں حضرت انس بن مالک (رض) نام بھی آتا ہے کہ جناب رسول اللہ (صلی اللہ علیہ وآلہ وسلم) فجر کی نماز رکوع کے بعد وفات تک قنوت پڑھتے رہے۔ اس روایت میں یہ فجر میں قنوت کا عدم نسخ ثابت ہو رہا ہے۔ اور اس روایت کے روات اس کو مختلف انداز سے بیان کیا ‘ چنانچہ ہم عرض کرتے ہیں : (١) ابن سیرین کی روایت میں ہے کہ میں نے حضرت انس (رض) سے پوچھا کہ کیا جناب رسول اللہ (صلی اللہ علیہ وآلہ وسلم) نے فجر میں قنوت پڑھی تو انھوں نے کہا جی ہاں۔ پھر میں نے پوچھا کیا رکوع سے پہلے یا بعد۔ تو انھوں نے فرمایا ذرا بعد میں۔ (٢) اسحاق کی روایت میں ہے کہ جناب رسول اللہ (صلی اللہ علیہ وآلہ وسلم) ایک ماہ تک صبح کی نماز میں رعل و ذکوان کے لیے قنوت پڑھی۔ (٣) قتادہ کی روایت بھی اسی طرح ہے۔ (٤) حمید کی روایت میں ہے کہ بیس دن قنوت پڑھنے کا تذکرہ ہے۔ یہ تمام حضرات حضرت انس (رض) سے اس روایت کے خلاف ذکر کر رہے ہیں جو حسن نے ان سے نقل کی ہے۔ عاصم تو رکوع کے بعد قنوت کا بالکل انکار کرتے ہیں اور یہ بھی کہتے ہیں کہ آپ نے صرف ایک ماہ قنوت پڑھی اور وہ بھی رکوع سے پہلے تھی۔ چنانچہ یہ روایت بھی عمرو کی روایت کے برعکس ہے۔ پس حضرت انس (رض) کی روایت سے کسی کو استدلال کا حق نہیں کیونکہ دوسرا فریق انہی کی دوسری سند والی روایت کو پیش کر دے گا۔ باقی روایت کا یہ جملہ ” لکن القنوت قبل الرکوع “ انھوں نے اسے مرفوع نقل نہیں کیا ‘ عین ممکن ہے کہ یہ ان کی رائے ہو یا بعد والوں سے لیا ہو۔ اس لیے کہ دیگر صحابہ کرام کی رائے اس کے خلاف ہے۔ پس ان کا قول ان کے بالمقابل دوسرے لوگوں سے واضح دلیل کے بغیر اولیت اختیار نہیں کرسکتا۔ اگر کوئی شخص یہ اعتراض کرلے حضرت ربیع بن انس کہتے ہیں میں انس (رض) کے پاس بیٹھا تھا ان سے پوچھا کیا جناب رسول اللہ (صلی اللہ علیہ وآلہ وسلم) نے ایک ماہ قنوت پڑھی ہے تو انس کہنے لگے جناب رسول اللہ (صلی اللہ علیہ وآلہ وسلم) نے وفات تک قنوت پڑھی ہے۔ ہم اس کے جواب میں کہیں گے کہ یہ حسن کی روایت والی قنوت ہے اگر بات اسی طرح ہو۔ تو یہ مذکورہ بالا روایت سے متضاد ہے۔ اور یہ بھی ممکن ہے کہ یہ رکوع سے پہلے والی قنوت ہو جو عاصم کی روایت میں ہے۔ حالانکہ حضرت انس (رض) کی رکوع سے پہلے قنوت میں ایک رویت بھی ان سے ثابت نہیں بلکہ رکوع کے بعد قنوت کا نسخ ان سے ثابت ہے۔ حضرت ابوہریرہ (رض) بھی قنوت کے روات سے ہیں اور قنوت فجر کے راوی ہیں جو کہ ایک قوم کے خلاف بد دعا تھی اور اسی روایت میں موجود ہے کہ آیت { لیس لک من الامر القرآن } کے نزول کے بعد آپ نے اسے ترک کردیا اگر کوئی یہ اعتراض کرلے کہ یہ کیسے ممکن ہے کہ یہ اس طرح ہو جبکہ خود حضرت ابوہریرہ (رض) صبح کی نماز میں قنوت پڑھتے تھے۔ جیسا کہ یونس کی یہ روایت ہے۔
تخریج : ابن ابی شیبہ مثلہ ٦٩٧٧۔
حاصل روایات : ان روایات سے ابن عمر (رض) کا ان لوگوں کے بارے میں انکار ظاہر ہوتا ہے جو قنوت فجر کے قائل تھے۔ ابن عمر (رض) نے تو جناب رسول اللہ (صلی اللہ علیہ وآلہ وسلم) کو دیکھا کہ جب آپ دوسری رکعت سے سر اٹھاتے تو قنوت پڑھتے تھے اور یہ اس وقت تک پڑھتے رہے یہاں تک کہ یہ آیت : لیس لک من الامر شیء (آل عمران) “ نازل ہوئی تو آپ نے یہ ترک فرما دیا کیونکہ سبب قنوت ختم ہوگیا غور فرمائیں کہ آپ سے ابو مجلز نے سوال کیا کہ کیا آپ بڑھاپے کی وجہ سے قنوت ترک کرتے ہیں تو فرمایا اصحاب رسول اللہ (صلی اللہ علیہ وآلہ وسلم) سے یہ چیز میں نے ترک کے بعد نہیں دیکھی۔ پس ابن عمر (رض) کی روایت کو قنوت کے ثبوت میں اس انکار کے ہوتے ہوئے پیش کرنا درست نہیں پھر مزید توجہ فرمائیں کہ ابوالشعثاء نے قنوت کے متعلق سوال کیا تو آپ نے ابو مجلز سے دریافت کیا قنوت کیا ہے ؟ ابو مجلز سے کہا کہ دوسری رکعت کے رکوع سے پہلے نماز صبح میں دعا کرتے ہیں اس کو قنوت کہتے ہیں تو آپ نے فرمایا میں نے تو کسی کو کرتے نہیں دیکھا اس کہنے کی وجہ یہ تھی کہ آپ نے جو کچھ دیکھا تھا وہ رکوع کے بعد تھا اور وہ بھی ایک ماہ کے محدود وقت کے لیے تھا باقی رکوع سے پہلے انھوں نے نہ دیکھا تھا اس لیے انکار فرمایا اب اس انکار سے خود یہ ثابت ہوا کہ انھوں نے نسخ سے پہلے کا تو اقرار کیا نسخ کے بعد رکوع کے بعد والا قنوت بھی جناب رسول اللہ (صلی اللہ علیہ وآلہ وسلم) اور خلفاء راشدین سے انھوں نے نہ دیکھا اور رکوع سے پہلے تو انھوں نے بالکل نہ دیکھا نہ جانا پس ابن عمر (رض) کی روایت سے قنوت پر استدلال بےجا ضد ہوگی۔
جواب روایت عبدالرحمن بن ابی بکر (رض) :
ان کی روایت میں جس قنوت کا جناب رسول اللہ (صلی اللہ علیہ وآلہ وسلم) سے ثبوت مل رہا ہے وہ ان قبائل عرب سے متعلق تھی جب اللہ تعالیٰ نے لیس لک الایہ اتاری تو اسے بھی منسوخ کردیا اور آپ نے بددعا کو موقوف فرما دیاپس ان کی روایت سے استدلال بھی درست نہیں ہے۔
جواب روایت حضرت خفاف بن ایمائ (رض) :
اس روایت میں مذکور ہے کہ جب آپ رکوع سے سر مبارک اٹھاتے تو بعض قبائل کے نام لے کر دعا اور بعض کے نام لے کر بددعا فرماتے اس سے معلوم ہوا کہ ان کی روایت کا مصداق روایت ابن عمر (رض) ‘ عبدالرحمن بن ابی بکر (رض) کا مصداق ایک ہے تو جب روایت ابن مسعود (رض) اور ابن عمر (رض) آیت کریمہ لیس لک الایہ سے منسوخ ہے تو خفاف بن ایمائ (رض) کی روایت بدرجہ اولیٰ منسوخ ہے۔ پس اس سے ثبوت قنوت پر استدلال درست نہیں۔
روایت براء بن عازب (رض) کا جواب :
ان کی روایت میں مطلق قنوت کا ذکر ہے ممکن ہے اس سے قنوت فجر مراد لیا جائے تو آیت سے جس طرح دوسری روایات منسوخ میں یہ بھی منسوخ نیز اس روایت میں قنوت مغرب کا بھی تذکرہ ہے جو کہ سب کے ہاں منسوخ ہے تو جب ایک چیز منسوخ ہوا تو دوسرا بدرجہ اولیٰ منسوخ ہوگا پس اس سے استدلال تام نہ ہوا اس سے قنوت کا وجوب ثابت ہوا نہ کہ وجوب۔
ترک وجوب حضرت انس بن مالک (رض) کی روایت کا جواب :
حضرت انس (رض) سے روایت کرنے والے چھ شاگرد ہیں۔
نمبر !: عمرو بن عبید عن حسن اس میں وفات تک نماز فجر میں قنوت کا تذکرہ ہے۔
نمبر ": ابن سیرین کی روایت میں رکوع کے بعد مختصر قنوت کا ثبوت ہے۔
نمبر#: اسحاق بن عبداللہ کی روایت میں ایک ماہ کے لیے رعل ‘ ذکوان کے لیے بددعا کے موقعہ پر قنوت کا تذکرہ ہے۔
نمبر$: قتادہ کی روایت میں بھی انہی قبائل کے لیے اس کا پڑھنا ثابت ہے۔
نمبر%: حمید بن ابی حمید کی روایت میں بیس روز کے لیے قنوت کا تذکرہ ہے گویا ان تمام نے عمرو بن عبید کی روایت کے خلاف نقل کیا ہے اور قنوت کو وفات تک نہیں بلکہ چند روز کے لیے تسلیم کیا ہے۔
نمبر & عاصم بن کلیب کی روایت میں رکوع کے بعد والی قنوت کا سرے سے انکار ہے اور صرف ایک ماہ تک پڑھنا ثابت ہے البتہ عام حالات میں رکوع سے پہلے قنوت کا پڑھنا انھوں نے سب کے خلاف نقل کیا ہے۔
حاصل یہ ہوا کہ حضرت انس (رض) کی روایت سے موافق و مخالف ہر دو استدلال کرسکتے ہیں پس یہ بنیادی استدلال کے مناسب نہ ٹھہری اب رہی رکوع سے پہلے قنوت والی بات تو یہ عین ممکن ہے ان کی اجتہادی رائے ہو اور ان کی اجتہادی رائے دیگر جمہور صحابہ کے بالمقابل تسلیم نہیں کی جاسکتی کیونکہ اس کے حق میں کوئی شرعی دلیل نہیں۔
فان قال قائل :
سے اشکال ذکر کیا کہ جب حضرت انس (رض) کی روایت میں اس کا زندگی کے آخری لمحات تک پڑھنا ثابت ہے تو اس کو محدود سے ماننا کس طرح درست ہوا۔
(رح) : روایت ربیع بن انس میں جس قنوت کا تذکرہ آخری لمحات تک بتلایا گیا اس میں دو احتمال ہیں۔
نمبر !: یہ وہی قنوت ہے جس کا تذکرہ روایت عمرو عن الحسن میں آچکا تو یہ روایت دیگر ثقات کی روایت کے خلاف ہے۔
نمبر ": دوسرا احتمال یہ ہے کہ اس سے قنوت قبل الرکوع مراد ہو جو کہ عاصم بن کلیب کی روایت میں وارد ہے حالانکہ حضرت انس (رض) سے قنوت قبل الرکوع کی کوئی روایت ثابت نہیں اس کا نسخ تو سب مانتے ہیں اور بعدالرکوع کا نسخ خود روایت انس میں ثابت ہے پس اس روایت سے استدلال مضبوط بنیاد نہیں رکھتا۔
حضرت ابوہریرہ (رض) کی روایت کا جواب :
اس روایت میں بھی جس قنوت کا تذکرہ ہے وہ بعض قبائل کے لیے دعا اور دوسروں کے لیے بددعا کے ذکر والی ہے اور اس کا نسخ لیس لک من الامر شیء (آل عمران) والی آیت سے ہوچکا ہے پس استدلال میں پیش نہیں کی جاسکتی۔
فان قال قائل سے اشکال ذکر کیا : حضرت ابوہریرہ (رض) سے مروی ہے جس کو عبداللہ بن یوسف اور اعرج نے حضرت ابوہریرہ (رض) سے نقل کیا ہے۔