١٤٣٧: ابو مالک سعد بن طارق کہتے ہیں میں نے اپنے والد سے عرض کی ابا جی ! آپ نے جناب رسول اللہ (صلی اللہ علیہ وآلہ وسلم) اور ابوبکر ‘ عمرو عثمان ‘ علی (رض) کے پیچھے نماز ادا کی ہوگی یہاں کوفہ میں آپ کو حضرت علی (رض) کے پیچھے نماز پڑھتے پانچ سال گزرے کیا وہ فجر کی نماز میں قنوت پڑھتے تھے تو وہ فرمانے لگے اے بیٹے۔ یہ نو ایجاد چیز (یعنی منسوخ کو دوبارہ کیا جا رہا ہے) ۔ امام طحاوی (رح) کہتے ہیں اس معنی میں اس کو محدث نہیں کہا جاسکتا کہ اس کا پہلے وجود نہ تھا اور اب ایجاد کرلی گئی بلکہ یہاں معنی یہ ہے کہ پہلے تھی پھر منسوخ ہوگئی اب منسوخ پر عمل احداث کی طرح ہے اور ہم نے روایات کا نسخ خوب اچھے طریقے سے واضح کردیا ہے۔ امام طحاوی (رح) فرماتے ہیں کہ اس کو اس معنی نو ایجاد شدہ نہیں کہتے کہ اس کی اصل نہیں ‘ بلکہ اس کی اصل تھی جیسا کہ روایاتِ سابقہ میں مذکور ہوا۔ ان میں قنوت کا جناب رسول اللہ (صلی اللہ علیہ وآلہ وسلم) سے منسوخ ہونے کے بعد پڑھنا ثابت نہ ہوا۔ تو اب ہم صحابہ کرام کے اقوال کی طرف رجوع کرتے ہیں۔ ملاحظہ ہو۔
عمل اجلہ صحابہ کرام (رض) :
فلما لم یثبت : سے اسی کو بیان کیا گیا ہے حضرت عمر ‘ علی ‘ ابن عباس (رض) حالت جنگ میں فجر میں قنوت کے قائل ہیں اور حضرت ابن مسعود ‘ ابوالدرداء ابن عمر ‘ ابن زیبر (رض) صلح و جنگ کسی صورت میں بھی قنوت فجر کے قائل نہیں ہیں۔
روایات ملاحظہ ہوں :