١٥٠٥: عطاف بن خالد کہتے ہیں ہمیں محمد بن عمرو بن عطاء نے بیان کیا اور کہا مجھے ایک آدمی نے بیان کیا کہ اس نے دس اصحاب نبی (صلی اللہ علیہ وآلہ وسلم) کو بیٹھے ہوئے پایا پھر انھوں نے بالکل ابو عاصم جیسی روایت نقل کی ہے۔ امام طحاوی (رح) کہتے ہیں : ہم نے جو روایات ذکر کی ہیں اس سے ابو حمید والی روایت فاسد ہوگئی۔ کیونکہ محمد بن عمرو کے بعد ایک مجہول آدمی ہے۔ اور محدثین ایسی روایات کو قابل حجت قرار نہیں دیتے اگر بالفرض وہ عطاف بن خالد کے متعلق کہیں کہ وہ ضعیف ہے تو ہم کہیں گے کہ تم عبد الحمید کو عطاف سے بڑھ کر ضعیف قرار دیتے ہو مگر اس کی تمام روایات کو نہیں چھوڑتے۔ بلکہ تمہارا خیال یہ ہے کہ اس کی تمام قدیم روایات تو درست ہیں اور اس کی آخری دور والی روایات میں کچھ کمزوری آچکی ہے۔ یہ بات یحییٰ بن معین (رح) نے اپنی کتب میں کہی ہے۔ اور ابو صالح نے عطاف سے ابتدائی زمانہ میں حدیث سماعت کی ہے۔ یہ ان روایات میں داخل ہوگئی جن کو یحییٰ بن معین (رح) نے صحیح قرار دیا حالانکہ محمد بن عمرو کی عمر اس بات کا احتمال بھی نہیں رکھتی اور کسی نے اس روایت میں محمد بن عمرو کا ابو حمید سے سماع عبد الحمید کے سوا ثابت نہیں کیا اور وہ تمہارے ہاں ضعیف ترین روات سے ہیں۔ مگر جس نے ابو حمید کی حدیث متصل روایت کی ہے اس نے بیٹھنے کا حکم اس قدر تفصیل سے بیان نہیں کیا جس قدر عبدالحمید نے بیان کیا ہے۔
تخریج : ابو داؤد فی الصلاۃ باب ١١٦‘ نمبر ٧٣٠‘ ترمذی فی الصلاۃ باب ١١٠‘ نمبر ٣٠٤‘ نسائی فی السہو باب ٢٩۔
وجہ اوّل :
اس روایت سے ثابت ہو رہا ہے کہ یہ روایت منقطع ہے کیونکہ محمد بن عمرو بن عطاء کا ابو حمید ساعدی (رض) سے سماع ثابت نہیں کیونکہ یہاں رجل کا لفظ آ رہا ہے ایسی روایت قابل حجت نہیں۔
وجہ دوم :
عطاف بن خالد بھی ضعیف راوی ہے ہم نے اس کے ابتدائی دور کی روایت لی اس کی ابتدائی روایات کو درست کہا گیا اور ہم نے آخری دور کی روایت لی حالانکہ ان میں گڑبڑ بتلائی جاتی ہے (کذا قال یحییٰ بن معین فی کتابہ)
وجہ سوم :
محمد بن عمرو بن عطاء کا ابو حمید (رض) سے اتصال و سماع صرف عبدالحمید کی سند میں پایا جاتا ہے وہ ضعیف ترین راوی ہے لیکن جس نے ابو حمید کی روایت کو وصل سے بیان کیا اس سے حکم جلوس میں کوئی تفصیل ذکر نہیں کی جیسا عبدالحمید نے تفصیل کی اور عبدالحمید اضعف راوی کی روایت کس طرح قابل حجت ہوگی۔
روایت ملاحظہ ہو :