١٥٨٨: عبدالعزیز بن ابی حازم نے اپنے والد سے نقل کیا کہ انھوں نے سہل بن سعد الساعدی (رض) کو دیکھا کہ جب وہ نماز سے فارغ ہوتے تو اپنے دائیں بائیں سلام پھیرتے۔ امام طحاوی (رح) فرماتے ہیں کہ یہ جناب رسول اللہ (صلی اللہ علیہ وآلہ وسلم) کے صحابہ کرام حضرت ابوبکر و عمر ‘ علی ‘ ابن مسعود ‘ عمار (رض) اور دیگر جن کا ہم نے ان کے ساتھ تذکرہ کیا ہے۔ یہ تمام دائیں اور بائیں طرف سلام پھیرنے والے ہیں اور جناب رسالت مآب (صلی اللہ علیہ وآلہ وسلم) کے دیگر اصحاب ان کو اس حالت میں دیکھنے کے باوجود ان کی مخالفت نہ کرنے والے تھے ‘ حالانکہ عہد نبوی کا بالکل قرب تھا۔ یہ ان کے فعل سے موافقت کے سلسلے میں جناب رسول اللہ (صلی اللہ علیہ وآلہ وسلم) سے کچھ بھی مروی نہ ہوتا تب بھی ان کی مخالفت مناسب نہ تھی ‘ تو اب جبکہ ان کی موافقت میں آپکے ارشادات موجود ہیں تو ان کی مخالفت کیونکر درست ہوگی۔ اگر کوئی انکار کرنے والا اس روایت کو تسلیم نہ کرے جو کہ ہم نے ابو وائل کی سند سے حضرت علی (رض) سے نقل کی ہے کہ آپ نماز میں دونوں طرف سلام پھیرتے تھے اور اس سلسلہ میں ان کی وساطت سے ابن مسعود (رض) سے روایت کی ہے اور منکر یہ کہے ایک سلام والی روایت ملاحظہ ہو۔
تخریج : مسند احمد۔
حاصل روایات : امام طحاوی (رح) کہتے ہیں کہ یہ اصحاب رسول اللہ (صلی اللہ علیہ وآلہ وسلم) جن میں ابوبکر و عمر ‘ علی ‘ ابن مسعود (رض) اور عمار (رض) جیسے اساطین امت شامل ہیں وہ دائیں بائیں دو سلام پھیرتے دوسرے تمام لوگ ان کو اس حال میں دیکھتے اور ان کے پیچھے نمازیں ادا کرتے جناب رسول اللہ (صلی اللہ علیہ وآلہ وسلم) کی صحبت کا ان حضرات نے قریب ترین زمانہ پایا تھا اور آپ کے افعال و اقوال کو خوب محفوظ کیا تھا ان کا یہ فعل کرنا اور کسی کا نکیر کے بغیر تسلیم کرنا اجماع صحابہ (رض) کی دلیل ہے پس ان کے افعال کی مخالفت کسی کو درست نہیں اور کیسے درست ہوسکتی ہے جبکہ ان کے افعال جناب رسول اللہ (صلی اللہ علیہ وآلہ وسلم) کے افعال کے عین مطابق ہیں۔
ضمنی اشکال نمبر !:
انکر منکر ماروینا سے گزشتہ سطور میں ابو وائل کی سند سے علی (رض) کا عمل نقل کیا گیا کہ وہ دو سلام کرتے تھے اور اسی طرح ابن مسعود (رض) کا عمل بھی دو سلام کا ابو وائل شقیق بن سلمہ سے نقل کیا گیا وہ قابل تسلیم نہیں کیونکہ ابو وائل کی دوسری روایت میں ایک سلام کا تذکرہ ہے۔ روایت یہ ہے۔