١٥٨٩: عمرو بن مرہ کہتے ہیں کہ میں نے ابو وائل سے پوچھا کیا تمہیں تکبیر یاد ہے تو انھوں نے کہا جی ہاں۔ میں نے پوچھا کیا تمہیں سلام یاد ہے انھوں نے کہا ایک۔ تو اس روایت میں وہ ایک سلام کو یاد رکھنے کا کہہ رہے ہیں اور آپ کی روایت میں حضرت علی (رض) اور حضرت ابن مسعود (رض) سے دو سلام ذکر کرتے ہیں تو ان دونوں روایتوں میں تعارض ہوا پس اس سے دو سلام پر استدلال درست نہ رہا۔ تو یہ کس طرح درست ہے کہ ان کو ایک سلام محفوظ ہو اور انھوں نے حضرت علی اور ابن مسعود (رض) کو دو سلام کرتے دیکھا ہو۔ تمہارا کیا خیال ہے کہ ان دو کے علاوہ انھوں نے یہ سلام کس سے یاد کیا ‘ حالانکہ وہ انہی کی وہ باتیں یاد کرنے اور ان کی اقتداء کرنے والے تھے۔ پس اس روایت کا ثبوت اور جو چیز اس روایت سے ثابت ہوتی ہے وہ اس روایت کے فساد کو ظاہر کر رہی ہے جو تم دو سلام کے سلسلے میں روایت کرچکے ہو۔ اس کے جواب میں یہ کہا جائے گا کہ دو سلام کے سلسلے میں ہم نے جو روایت کی وہ بالکل درست ہے۔ اس کی سند و متن بےغبار ہیں اور اس کا تعلق رکوع و سجدہ والی نماز کے سلام سے تعلق رکھتا ہے۔ رہی ابو وائل کی عمرو بن مرّہ والی روایت جس میں ایک سلام کا ذکر ہے۔ اس کا تعلق تکبیرات والی نماز سے ہے۔ کوفہ کے علماء کی ایک جماعت جن میں ابراہیم (رح) بھی ہیں اپنے جنائز میں خفیف سلام پھیرتے اور اپنی بقیہ تمام نمازوں میں دو سلام پھیرتے تھے۔ ہمارے نزدیک ابو وائل کی روایت کا یہی معنی ہے۔ پس زیادہ بہتر ہے کہ ان سے مروی دوسری روایت کو بھی اسی پر محمول کریں تاکہ روایات میں تضاد نہ ہو۔ اگر کوئی یہ اعتراض کرلے کہ عمر بن عبدالعزیز ‘ حسن اور ابن سیرین اپنی نمازوں میں ایک سلام پھیرتے تھے ‘ جیسا ان روایات میں ہے۔
الجواب نمبر !: دو سلام والی روایت صحیح ہے اس کا متن اور سند دونوں محفوظ ہیں اس روایت کا تعلق رکوع و سجود والی نماز سے ہے اور عمرو بن مرہ والی روایت کا تعلق نماز جنازہ کے سلام سے ہے اب اس سے دونوں روایات صحیحہ کا محمل درست نکل آیا۔
نمبر ": وہ کثیر صحیح روایات کے خلاف ہونے کی وجہ سے شاذ شمار ہوگی۔
حاصل روایات : نماز جنازہ میں ابن مسعود ‘ ابن عمر ‘ ابن عباس (رض) اور جمہور کے ہاں نماز جنازہ میں ایک سلام کافی ہے البتہ حضرت علی (رض) اور امام حنیفہ (رح) اور شوافع کے ہاں دو سلام ہیں۔ (فتدبر)
اشکال نمبر ":
تابعین میں عمر بن عبدالعزیز ‘ حسن بصری ‘ ابن سیرین (رح) نمازوں میں ایک سلام پھیرتے تھے جیسا یہ روایات ظاہر کرتی ہیں۔
روایات ملاحظہ ہوں :