١٦٣٤: سعد بن ہشام انصاری کہتے ہیں کہ میں نے حضرت عائشہ (رض) سے جناب رسول اللہ (صلی اللہ علیہ وآلہ وسلم) کی رات کی نماز کے سلسلہ میں دریافت کیا تو وہ فرمانے لگیں آپ عشاء کی نماز ادا فرماتے پھر آپ مختصر دو رکعت ادا فرماتے آپ کی مسواک اور پانی والا لوٹا تیار ہوتا پھر اللہ تعالیٰ جب چاہتا آپ کو بیدار کردیتا آپ مسواک کرتے پھر وضو کرتے پھر دو رکعت نماز ادا فرماتے پھر آپ کھڑے ہو کر آٹھ رکعت ادا فرماتے ان میں ایک جیسی قراءت فرماتے پھر نوویں کو ساتھ ملا کر وتر بنا لیتے۔ اس روایت میں ہے کہ آپ جن آٹھ رکعات کے ساتھ نوویں ملا کر ان کو وتر بناتے ان میں پہلے چار رکعت پڑھتے تھے ‘ پھر یہ ملا کر تیرہ رکعت بن جاتیں جن میں وہ وتر بھی شامل تھے جن کا زرارہ نے اپنی روایت میں بیان کیا ہے اور زرارہ نے وہ حضرت عائشہ صدیقہ اور سعد (رض) سے روایت کی ہے اور وہ تین رکعات ہیں جن کے درمیان میں سلام نہ پھیرتے تھے۔ پس حضرت سعد کی روایت حضرت عائشہ صدیقہ اور ثابت (رض) درست ہے جیسا ہم نے ذکر کیا ہے اور عبداللہ بن شقیق (رح) نے بھی حضرت عائشہ صدیقہ (رض) سے روایت نقل کی ہے۔ وہ اس طرح ہے۔
تخریج : مسلم صلوۃ المسافرین نمبر ٢٣٩‘ ابو داؤد فی الصلاۃ باب ١٧٣‘ نمبر ١٣٤٩‘ نسائی فی قیام اللیل باب ٢‘ ١٨‘ ٣٩‘ ابن ماجہ فی الاقامہ باب ١٢٣‘ نمبر ١١٩‘ دارمی فی الصلاۃ ١٦٥‘ مسدن احمد ١؍٥٤١٣٢۔
فیبعثہ اللہ اللہ تعالیٰ جب چاہتا آپ کو اٹھا دیتا پھر آپ مسواک اور وضو فرماتے پھر دو رکعت ادا فرماتے پھر کھڑے ہو کر آٹھ رکعت ادا فرماتے ان میں ایک جیسی قراءت کرتے پھر نوویں کو ملا کر ان کو وتر بناتے پس جب آپ پر بڑھاپا آگیا اور جسم مبارک گوشت سے بھاری ہوگیا تو ان آٹھ کو چھ میں بدل دیا اور ساتویں کو ملا کر آپ وتر بنا لیتے پھر یبٹھ کر دو رکعت ادا فرماتے اور ان میں قل یا ایہا الکافرون اور اذا زلزلت الارض (الزلزال) تلاوت فرماتے۔
حاصل روایات : یہ ہے کہ پہلے آپ آٹھ رکعت ادا فرماتے رہے جن میں سے نوویں کو ملا کر آپ چار کو وتر بنا لیتے پس یہ کل تیرہ رکعت ہوتیں جن میں وتر بھی ہیں۔ زرارہ نے سعد عن عائشہ (رض) وتروں کی وضاحت تین سے کی ہے جن کے آخر میں آپ سلام پھیرتے تھے اور زرارہ کی روایت عائشہ (رض) سے واضح طور پر ثابت ہے۔