١٦٥٦ : عبداللہ بن ابی قیس کہتے ہیں میں نے حضرت عائشہ صدیقہ (رض) سے سوال کیا کہ جناب رسول اللہ (صلی اللہ علیہ وآلہ وسلم) کتنے وتر پڑھتے۔ انھوں نے فرمایا آپ چار اور تین پڑھتے ‘ کبھی آٹھ اور تین پڑھتے ‘ کبھی دس اور تین پڑھتے ‘ سات سے کم کو وتر نہ بناتے اور نہ تیرہ سے زیادہ کو وتر بناتے۔ اس روایت میں آپ کی رات کی نفل نماز ذکر کی اور اس کا نام وتر رکھا ‘ البتہ تین اور اس کے ساتھ مذکورہ رکعات میں فاصلہ کیا اور اس کی وجہ واضح ہے کہ تین دوسری رکعات سے معنوی اعتبار سے جدا ہیں۔ اور اس کا معنی روایت اسود ‘ مسروق ‘ یحییٰ جو انھوں نے عائشہ صدیقہ (رض) سے نقل کی ‘ جیسا ہے۔ اور اس کی دلیل ان کا یہ قول بھی ہے۔ ملاحظہ ہو۔