١٦٨٥ : سلیمان نے حضرت ابوامامہ (رض) سے نقل کیا کہ جناب رسول اللہ (صلی اللہ علیہ وآلہ وسلم) نو سے وتر بناتے۔ جب آپ کا بدن بھاری ہوگیا گوشت بڑھ گیا تو سات سے وتر بناتے اور دو رکعت بیٹھ کر ادا فرمائیں جن میں سورة زلزال اور کافرون کی تلاوت فرمائی۔ (احمد ٥/٢٦٩) اس میں ممکن ہے آپ کا شفعہ نفل اور وتر ہوں۔ پس انھوں نے ان تمام کو وتر کہا ان بعض روایات میں بھی جو پہلے مذکور ہوئیں۔ اور حضرت ابو امامہ (رض) کا فعل اس پر دلالت کرتا ہے۔