١٦٨٦ : ابن مرزوق نے نقل کیا کہ ابو امامہ تین وتر ادا کرتے تھے۔ (ابن ابی شیبہ فی الصلاۃ ٢/٢٩٣) اس سے یہ بات ثابت ہوگئی وتر ابو امامہ (رض) کے ہاں اتنے ہیں جو ہم نے ذکر کردیے۔ اور یہ ناممکن ہے کہ یہ اسی طرح ہوں۔ اس لیے کہ ان کو رسول اللہ (صلی اللہ علیہ وآلہ وسلم) کا فعل تو اس کے خلاف معلوم ہوا۔ لیکن جو انھوں نے رسول اللہ (صلی اللہ علیہ وآلہ وسلم) کا فعل معلوم کیا ‘ اس کا معنی وہی ہے جس کی طرف ہم نے پھیرا اور موڑا ہے۔ واللہ اعلم