١٧٢٤: محمد نے بیان کیا کہ حضرت عائشہ (رض) فرمانے لگیں جناب رسول اللہ (صلی اللہ علیہ وآلہ وسلم) دونوں رکعتوں میں آہستہ قراءت فرماتے اور مجھے قل یا ایہا الکافرون اور قل ہو اللہ احد یاد ہے۔ (کہ ان کو آپ پڑھتے) ۔
تخریج : ابن ابی شیبہ فی الصلاۃ ٢؍٢٤٢۔
حاصل روایات : شعبہ کی روایت سے فاتحہ کا پڑھنا ثابت ہوا اور اس روایت سے قل یا ایہا الکافرون اور قل ہو اللہ احد کا ثبوت ملا اس سے یہ ثابت ہوا کہ ان دو رکعات میں اسی طرح کرتے تھے جیسا بقیہ نمازوں میں کرتے تھے۔ دیگر روایات ملاحظہ ہوں۔