١٨٠٢ : ربیع بن بدر نے اپنے والد و دادا سے انھوں نے موسیٰ اشعری (رض) اور انھوں نے جناب رسول اللہ (صلی اللہ علیہ وآلہ وسلم) سے اس کو اسی طرح روایت کیا ہے۔ تو جناب رسول اللہ (صلی اللہ علیہ وآلہ وسلم) نے دو کو جماعت قرار دیا۔ پس ان کا حکم بھی دو سے زیادہ کا ہوا ان کا نہیں جو ان سے کم ہیں۔ ہم نے غور کیا کہ وراثت میں ماں کی طرف سے بھائی یا بہن کا چھٹا حصہ مقرر کیا ہے اور دو سے زائد ہوں یا دو ہوں ان کو ثلث 1/3 مقرر فرمایا۔ اسی طرح دو کے لیے بھی یہی مقرر کیا۔ باپ کی طرف سے بہن کے لیے آدھا اور دو بہنوں کے لیے دو ثلث مقرر فرمایا۔ اسی طرح اس پر سب کا اتفاق ہے کہ تین کے لیے بھی اتنا ہی ہے اور اس پر بھی اتفاق ہے کہ ایک بیٹی کے لیے آدھا اور زیادہ بیٹیوں کے لیے دو تہائی ہے۔ اکثر صحابہ کرام اور ابن مسعود (رض) کے ہاں یہ ہے کہ دو بیٹیوں کے لیے بھی دو تہائی ہے۔ غور و فکر کا تقاضا بھی یہی ہے۔ کیونکہ بیٹی وراثت میں اپنے والد کے لیے بہن کی طرح ہے جو اپنے بھائی کے لیے ہو۔ چنانچہ باپ کی وراثت میں دو بیٹیوں کو وہی کچھ ملے گا جو دو بہنوں کو اپنے بھائی کی طرف سے ملتا ہے۔ ہمارے اس بیان میں دو کا حکم ایک جماعت والا ہے ایک شخص والا نہیں۔ پس نظر کا تقاضا یہ ہے کہ امام کے ساتھ دو مقتدی جماعت کی طرح کھڑیھ ہوں ایک کی جگہ پر کھڑے نہ ہوں۔ اس سے حضرت جابر ‘ انس اور حضرت عمر (رض) کا عمل ثابت ہوگا اور یہی امام ابوحنیفہ ‘ ابو یوسف اور محمد (رح) کا یہی قول ہے۔ البتہ امام ابو یوسف (رح) نے فرمایا کہ امام اختیار ہے کہ وہ اگر چاہے تو ابن مسعود (رض) کی طرح بھی کرسکتا ہے اور اگر چاہے تو حضرت جابر و انس (رض) کے روایت کردہ فعل پر عمل کرے۔ ہمارے ہاں اس سلسلہ میں امام ابوحنیفہ ‘ محمد (رح) کا قول زیادہ قابل ترجیح ہے۔
تخریج : بخاری فی الاذان ۔ ابن ماجہ فی الاقامۃ باب ٢٤ ‘ ح ٩٧٢
تو اب ان کا حکم بھی جماعت والا ہونا چاہیے نہ کر واحد و فرد والا۔ پس دو کو جماعت قرار دے کر پیچھے کھڑا کرنا مسنون ہوگا۔
نمبر ": ہم غور کرتے ہیں کہ قرآن مجید نے میراث کے معامالات میں ہر دو کو تین کے برابر قرار دیا مثلاً اخیافی بھائیوں اور بہنوں میں سے ہر ایک کا سدس مقرر فرمایا مگر دو ہوں تو ثلث مقرر فرمایا اگر دو سے زائد ہوں تب بھی ان کا حصہ دو ثلث سے نہ بڑھے گا اور ایک لڑکی کا نصف ہے اور اگر دو لڑکیاں ہوں تو ان کو دو ثلث ملیں گے اور دو سے زائد ہوجائیں تب بھی ان کا حصہ دو ثلث سے زائد نہ ہوگا اور یہی حکم علاتی بھائیوں اور حقیقی اور علاتی بہنوں کا ہے تو اس سے یہ ظاہر ہوگیا کہ باب الامامت میں بھی دو پر تین کا حکم لگے گا اور دو کو پیچھے کھڑا کیا جائے گا امام ابوحنیفہ (رح) اور محمد بن حسن کا یہی قول ہے۔
نوٹ :(اس باب میں مذاہب کی طرف اشارہ نہیں ہے خصوصاً فریق ثانی البتہ دلائل کو خوب پیش کیا اور نظر کو دو نظری دلیلوں سے نوازا امام طحاوی غیر قیاسی مسائل کو بھی ذوق سے قیاسی بنا لیتے ہیں) ۔