١٨٠٣: عاصم بن علی اور خلف بن ہشام دونوں نے ابو عوانہ سے روایت ان کی سند سے نقل کی۔
خلاصہ الزام : نماز خوف کی مشروعیت ٤ ھ غزوہ ذات الرقاع ٧ ھ میں ہوئی اس میں دشمن کا خطرہ اور ایک امام کے پیچھے نماز پر اصرار تو ہو یہ طریقہ درست ہے بعض نے فاقمت کے خطاب کے پیش نظر آپ کے ساتھ خاص کیا جبکہ جمہور فقہاء بعد والے زمانے میں بقاء کے قائل ہیں جمہور فقہاء کے ہاں سفر و حضر ہر دو موقعہ پر جائز ہے۔ تعداد رکعات اور کیفیت میں خاصا اختلاف ہے۔
نمبر 1: عطاء بن ابی رباح و قتادہ (رح) وغیرہ ایک رکعت مانتے ہیں۔
نمبر 2: امام ابوحنیفہ و محمد (رح) کے ہاں خوف کی وجہ سے تعداد میں فرق نہیں اگر ایک امام ہو تو ہر گروہ کو ایک ایک رکعت پڑھائے اور سفر نہ ہو تو چار رکعت میں دو دو پڑھائے دوسرا گرواہ مسبوق کی طرح پڑھے اور پہلا گروہ لاحق کی طرح پڑھے۔
نمبر 3: امام مالک (رح) کے ہاں تعداد میں کمی سفر کی وجہ سے ہوگی طریقہ یہ ہوگا امام ایک گروہ کو ایک رکعت پڑھائے امام انتظار کرے اور وہ اپنی دوسری رکعت سجدہ تک مکمل کر کے دشمن کے مقابل جائے پھر دوسرا گروہ آئے تو امام ان کو ایک رکعت پڑھائے پھر امام التحیات میں انتظار کرے یہ لوگ دوسری رکعت سجدے تک مکمل کر کے دشمن کے سامنے جائیں اور پہلا آ کر التحیات پڑھے امام ان کے ساتھ سلام پھیرے پھر یہ دشمن کے سامنے جائیں دوسرا گرواہ آ کر التحیات پڑھ کر اکیلے سلام پھیر دے۔
نمبر 4: حسن بصری (رح) فرماتے ہیں امام پہلے گروہ کو دو رکعت پڑھا کر سلام پھیر دے پھر دوسرے گروہ کو دو پڑھا کر سلام پھیر دے چار رکعت امام پر لازم ہوں گی۔
نمبر 5: ابن ابی لیلیٰ وغیرہ کہتے ہیں امام کے پیچھے دونوں صف بنا کر ہتھیاروں سے لیس کھڑے ہوں جب امام سجدہ کرے تو صف اول سجدہ کرے دوسری صف کھڑی رہے جب یہ سجدہ سے سر اٹھالیں تو صف ثانی سجدہ کرے پھر صف ثانی اول کی جگہ آجائے جب امام سجدہ کرے تو یہ لوگ سجدہ کریں صف اول والے پیچھے کھڑے رہیں جب سجدہ کرلیں تو پہلا گروہ اپنا سجدہ کرے پھر ایک ساتھ تمام سلام پھیر دیں۔
نمبر 6: امام ابو یوسف و طحاوی (رح) کے ہاں دونوں گروہوں کو امام ایک ساتھ نماز پڑھائے جب طائفہ اولیٰ امام کے ساتھ سجدہ سے فارغ ہو تو دوسرا گروہ خود سجدہ کرے پھر دوسرا گروہ صف اول میں چلا جائے دونوں کو امام ایک ساتھ پڑھائے پھر امام کے ساتھ سجدہ کرلیں اولیٰ گروہ اپنا سجدہ کرے اب سلام امام ساتھ پھیر لیں۔
فریق اوّل کا مؤقف اور دلائل : صلوۃ خوف ایک رکعت ہے یہ حسن بصری (رح) کے ہاں ہے۔