١٨١٥: سلیم بن عبد نے حضرت حذیفہ سے نقل کیا ہے کہ نماز خوف دو رکعت ہیں اور چار سجدے ہیں۔ امام طحاوی (رح) فرماتے ہیں۔ اس سے یہ دلیل مل گئی کہ پہلی روایات میں بھی یہی بات ہے کہ انھوں نے جناب رسول اللہ (صلی اللہ علیہ وآلہ وسلم) کے ساتھ اسی طرح کیا۔ اب ہم روایات کو جانچتے ہیں کہ آیا ان میں کوئی ایسی روایت ملتی ہے۔ چنانچہ وہ رایت میسر آگئی۔ ملاحظہ ہو۔
تخریج : ابن ابی شیبہ ٢؍٢١٥۔
حاصل روایات : اس روایت سے یہ بات ثابت ہوئی کہ جس طرح حضرت حذیفہ (رض) کا عمل ظاہر کررہا ہے بالکل اسی طرح دیگر صحابہ کرام (رض) نے بھی کیا ہوگا ان سابقہ روایات کا مفہوم اسی فتویٰ کے مطابق ہے۔
فریق ثانی کا مؤقف اور دلائل :
اگر حضر ہو تو طائفہ اولیٰ کو دو رکعتیں اور سفر ہو تو ایک رکعت پڑھائی جائے گی طائفہ اولیٰ کی نماز لاحق کی طرح اور دوسرے گروہ کی نماز مسبوق کی طرح ہوگی یہ امام ابوحنیفہ (رح) کا مسلک ہے دلائل یہ آثار ہیں۔ آثار میں دو رکعت پڑھنے کا ثبوت۔