١٨٣٣: سلیمان بن قیس نے حضرت جابر بن عبداللہ (رض) سے نقل کیا کہ جناب رسول اللہ (صلی اللہ علیہ وآلہ وسلم) خصفہ کے ساتھ جنگ میں مصروف تھے پس صحابہ کو نماز خوف پڑھائی پس اسی طرح روایت نقل کی جیسے اوپر گزری۔ کچھ لوگوں کا خیال یہ ہے کہ نماز خوف اسی طرح ہے۔ ہمارے ہاں ان آچار میں ہمارے لیے کوئی حجت نہیں ہے۔ کیونکہ یہ ممکن ہے کہ آپ (صلی اللہ علیہ وآلہ وسلم) نے اس کو ادا کیا ہو اور آپ سفر میں نہ ہوں کہ جس میں قصر کی جاتی ہے۔ اس سے آپ نے ہر جماعت کو دو دو رکعت پڑھائیں اور بقیہ دو دو رکعتیں بعد میں انھوں نے پوری کرلیں۔ اسی طرح ہم کہتے ہیں کہ جب دشمن شہر میں حملہ کر دے اور شہر کے لوگ نماز خوف ادا کرنا چاہتے ہوں تو وہ اسی طرح کریں یعنی اس کے بعد کہ وہ نماز ظہر یا عصر یا عشاء ہو۔ وہ کہتے ہیں کہ قضاء کا تو یہاں تذکرہ نہیں تو ان سے کہا جائے گا ممکن ہے کہ انھوں نے قضاء کی ہو مگر روایت میں مذکور نہیں اور روایات میں ایسا کثرت سے آتا ہے اور یہ بھی ممکن ہے کہ قضاء نہ کی ہو مگر ہمارے ہاں اس کے لیے بھی کوئی دلیل روایت میں موجود نہیں۔ کیونکہ یہ ممکن ہے کہ یہ عمل رسول اللہ (صلی اللہ علیہ وآلہ وسلم) نے کیا ہو اور اس زمانے میں فریضہ دو مرتبہ ادا کیا جاتا ہو۔ پس ان میں سے ہر ایک فرض ہو ابتداء اسلام میں ایسا کا گیا پھر منسوخ ہوگیا۔ چنانچہ آئندہ روایت ملاحظہ کریں۔
تخریج : سابقہ تخریج کو ملاحظہ کریں۔ نسائی فی المغازی۔
حاصل روایات : ان روایتوں سے بظاہر آپ کا چار رکعت پڑھنا اور مقتدیوں کا دو دو رکعت پڑھنا ثابت ہے جس سے معلوم ہوتا ہے کہ امام پر تو چار رکعت اور مقتدیوں پر دو دو رکعت ہے۔
جواب : ان چاروں روایات میں آپ کے مؤقف کی کوئی دلیل نہیں کیونکہ اس میں یہ قوی احتمال ہے کہ یہ صلوۃ خوف حالت حضر میں ادا کی گئی اور حالت حضر میں تو امام چار رکعت پڑھتا اور مقتدیوں کو دو دو رکعت پڑھاتا اور بقیہ نماز مقتدی خود پوری کرتے ہیں اس کا تذکرہ اس روایت میں اگرچہ نہیں مگر دیگر روایات میں بقیہ کی قضا کا تذکرہ موجود ہے اور حضر میں تو سب کے نزدیک امام کا چار رکعت پڑھنا ضروری ہے اور مقتدی دو دو رکعت امام کے ساتھ پڑھ کر بقیہ پوری کریں گے جبکہ وہ نماز ظہر ‘ عصر یا عشاء ہو۔
ضمنی اشکال : بقیہ نماز کی ادائیگی کا تذکرہ روایات میں موجود نہیں ہے۔
الجواب نمبر !: ممکن ہے کہ انھوں نے پوری کی ہو اگرچہ اس روایت میں مذکور نہیں مگر دیگر روایات میں تو موجود ہے گویا ان روایات میں اجمال ہے۔
نمبر ": اگر بالفرض انھوں نے نہ پوری کی ہوں تو یہ عین ممکن ہے کہ یہ ابتداء اسلام کا زمانہ ہو جبکہ فرض کو ایک وقت میں دو مرتبہ پڑھا جاسکتا تھا پھر یہ حکم منسوخ ہوگیا یہ روایت ابن عمر (رض) اس بات کو ظاہر کر رہی ہے۔