١٨٣٥: عثمان بن سعید بن ابی رافع کہتے ہیں کہ مجھے محرز بن ابی ہریرہ (رض) نے ابن عمر (رض) کی خدمت میں بھیجا کہ (میں ان سے یہ مسئلہ دریافت کروں) جب آدمی ظہر اپنے گھر میں ادا کرے پھر مسجد میں آئے اور لوگ ابھی نماز میں مصروف ہوں اور وہ ان کے ساتھ مل کر بھی نماز پڑھے تو اس کے فرض کون سے شمار ہوں گے ؟ حضرت ابن عمر (رض) نے فرمایا فرض پہلی نماز والے ہوں گے۔ اس روایت میں یہ ہے کہ ابن عمر (رض) نے یہ خیال فرمایا کہ دوسری نماز نفل ہوگی۔ پس اس سے یہ دلالت مل گئی کہ ان کا نماز چھوڑنا جس کا تذکرہ سلیمان (رض) کی روایت میں آیا ہے۔ وہ اس بناء پر تھا کہ وہ ایسی نماز تھی کہ جس کے بعد نفل ادا نہیں ہوسکتے۔ پس اگر ابوبکرہ اور جابر (رض) والی روایات جن کا ہم نے تذکرہ کیا ان میں پہلا معنی مراد لیا جائے جو ہم نے بیان کیا کہ ” جو شخص فرض نماز ادا کرلے اس کو اسے دوبارہ پڑھنا درست ہے “۔ پس اس صورت میں یہ فرض قرار پائیں گے۔ اسی وجہ سے جناب رسول اللہ (صلی اللہ علیہ وآلہ وسلم) دو مرتبہ دو جماعتوں کو نماز پڑھائی اور یہ جائز بشرطیکہ اس پر حکم باقی ہے اور اگر منسوخ ہوچکا ہو اور فرض کو دو مرتبہ پڑھنا ممنوع قرار دیا گیا ہو تو یہ مفہوم خود ختم ہوگیا جس کی وجہ سے دو گروہوں کو دو دو رکعت پڑھائیں اور اس پر عمل کرنا جائز نہ ہوا۔ پس ان دو احتمالات کی وجہ سے حضرت ابو بکرہ اور جابر (رض) کی روایات سے استدلال کی گنجائش نہ رہی۔
تخریج : ابن ابی شیبہ ٢؍٧٥۔
اس روایت سے یہ بات تو ظاہر ہوگئی کہ ابن عمر (رض) نے اس وقت جس جماعت میں شمولیت نہیں کی وہ ایسی نماز تھی جس کے بعد نفل نماز درست نہیں پس احتمال اول متعین ہوگیا۔
حدیث ابو بکرہ اور جابر (رض) کا جواب نمبر !: ان روایات میں مذکور ہے یہ اس وقت کی بات ہے جبکہ فرض دو مرتبہ پڑھنے کی اجازت بھی اسی وجہ سے جناب رسول اللہ (صلی اللہ علیہ وآلہ وسلم) نے ایک گروہ کو دو رکعت پڑھائیں اور دوسرے گروہ کو بھی دو رکعت پڑھائیں اور یہ حکم پہلے تھا جب یہ حکم منسوخ ہوا تو اس روایت پر عمل بھی درست نہ رہا۔
ایک فرض کے دن میں دو مرتبہ پڑھنے کے نسخ کی دلیل یہ روایت ہے۔