١٨٤٠: ابوالزبیر نے جابر (رض) سے نقل کیا انھوں نے نبی اکرم (صلی اللہ علیہ وآلہ وسلم) سے کہ آپ نے نماز خوف اسی طرح ادا فرمائی۔ ہمارے نزدیک اس روایت کا ہونا ناممکنات سے ہے۔ کیونکہ اس میں مذکور ہے کہ وہ قعدہ کی حالت میں نماز میں داخل ہوئے۔ حالانکہ اس بات پر تمام مسلمانوں کا اتفاق ہے کہ اگر کوئی بیٹھنے کی حالت نماز کو شروع پھر وہ کھڑا ہوجائے اور اس کا بیٹھنا عذر کی وجہ سے نہ ہو ‘ وہ نماز کو مکمل کرے تو اس کی نماز باطل ہوگی۔ پس ایسی حالت کے ساتھ داخل ہونا جائز ہے۔ جس میں رکوع اور سجدہ ادا کیا جاسکے۔ پس جو لوگ جناب رسول اللہ (صلی اللہ علیہ وآلہ وسلم) کے پیچھے دوسری صف میں شامل تھے ان کا قعدے کی حالت میں نماز میں داخلہ ناممکن ہے۔ جو کچھ ہم نے روایت کیا یہ جابر بن عبداللہ (رض) کی روایت میں جناب نبی اکرم (صلی اللہ علیہ وآلہ وسلم) سے اس روایت کے علاوہ دوسری روایت میں موجود ہے۔ نمازِ خوف کے متعلق دوسرے حضرات نے اور راہ اپنایا ہے۔ ملاحظہ ہو۔
حاصل روایات : نماز کو اکٹھا شروع کیا جائے اور اکٹھا سلام پھیرا جائے آپ نے اسی طرح کیا معلوم ہوا یہی افضل ہے۔
الجواب نمبر 1: اس روایت میں جو طریقہ مذکور ہے وہ نص قرآنی میں ایک گروہ کو نماز شروع کرانا اور ایک رکعت ادا کرلینے پر دوسرے کا آنا مذکور ہے۔ پس یہ روایت اس کے خلاف ہونے کی وجہ سے قابل استدلال نہ ہوگی۔
جواب نمبر 2: ابن عمر ‘ ابن عباس ‘ حذیفہ بن یمان ‘ زید بن ثابت (رض) کی مواتر روایات کے مقابلے میں اس روایت سے استدلال نہ کیا جاسکے گا۔ پس ان روایات میں جو طریقہ مذکور ہے وہی نص قرآنی کے مطابق ہے اس کو لیا جائے گا۔
فریق سادس کا مؤقف :
جب دشمن سامنے ہو تو ابو عیاش اور جابر (رض) والا طریقہ اور جب قبلہ کی طرف نہ ہو تو ابن عمر ‘ حذیفہ ‘ زید بن ثابت (رض) والی روایت کو لیا جائے گا۔
طریق استدلال نمبر !: ابو عیاش اور جابر (رض) کی روایات میں دشمن کا سامنے ہونا صاف مذکور ہے جبکہ زید بن ثابت اور ابن عمر (رض) و دیگر صحابہ (رض) کی روایات اس سے خالی ہیں پس مطابقت کے لیے ابو عیاش (رض) کی روایات کو دشمن کے سامنے ہونے کی صورت پر محمول کریں گے۔
نمبر 1: ابن مسعود (رض) سے جو روایت منقول ہے اس میں دشمن کا غیر قبلہ میں ہونا معلوم ہوتا ہے پس زید بن ثابت اور دیگر صحابہ (رض) کی روایات کو ابن مسعود (رض) کے مطابق تسلیم کر کے سب روایات میں تطبیق دے لیں گے یہ تطبیق کا بہترین انداز ہے۔
نمبر 2: اور آیت : ولتأت طائفۃ اخری الایۃ تو اس میں خاص اس حالت کا ذکر ہے جبکہ دشمن غیر قبلہ میں ہو پھر جب دشمن کے قبلہ والی جانب ہونے والی صورت پیش آئی تو اللہ تعالیٰ نے اپنے پیغمبر (صلی اللہ علیہ وآلہ وسلم) پر وہ طریقہ نماز نازل فرما دیا جو اس موقعہ کے موافق تھا پس دونوں خبروں کا محمل الگ الگ نکل آیا۔
امام طحاوی (رح) کا رجحان :
تمام اقاویل میں سب سے اولیٰ اور اصح اور احوط یہی مذہب ہے کیونکہ آثار کو اس کے ساتھ بآسانی جمع کیا جاسکتا ہے اور اس کی تائید ابن عباس (رض) کے اس طرز عمل سے ہوتی ہے کہ مقام ذی قرد میں پیش آنے والے واقعہ کے سلسلہ میں انھوں نے وہی نقل کیا جو زید بن ثابت ‘ ابن عمر ‘ ابن مسعود (رض) سے منقول ہے گویا جبکہ دشمن قبلہ کی طرف نہ تھا تو وہی حکم دیا اور جب دشمن قبلہ کی طرف تھا تو انھوں نے یہ فتویٰ دیا ملاحظہ ہو۔