١٨٤٤: عبدالرحمن بن ابی سعید الخدری نے اپنے والد سے نقل کیا کہ نقل کیا ہم نماز سے مشغول رہے یہاں تک کہ جب مغرب کے بعد رات کا ایک حصہ گزرا اور ہم دشمن سے محفوظ کردیئے گئے جیسا کہ اس ارشاد میں فرمایا وکفی اللہ المؤمنین القتال (الاحزاب : ٢٥) تو جناب رسول اللہ (صلی اللہ علیہ وآلہ وسلم) نے بلال کو بلایا پس (اذان دی) اور اقامت کہی اور ظہر کی نماز اسی طرح پڑھائی جیسے اس کے وقت میں آپ پڑھاتے تھے پھر اس کو حکم دیا اس نے عصر کے لیے اقامت کہی آپ نے عصر کو اسی طرح ادا فرمایا پھر اس کی اقامت کا حکم دیا اور مغرب کی نماز بھی اسی طرح ادا فرمائی اور یہ اس آیت کے نزول سے پہلے کی بات ہے جو صلوۃ خوف کے سلسلہ میں اتری۔ فرجالا اور کبانا۔ حضرت ابوسعید خدری (رض) نے بتلایا کہ اس دن سواری کی حالت میں نماز پڑھنا لڑائی کی حالت میں نماز کے چھوڑنے کے جائز ہونے سے پہلے تھا۔ پھر اس آیت کے ذریعہ ان کے لیے جائز کردیا گیا۔ اس سے ثابت ہوا کہ جب کوئی شخص لڑائی کی حالت میں ہو اور وہ سواری سے بھی نہ اتر سکتا ہو تو اس کے لیے اشارے سے پہلے نماز پڑھنا جائز ہے۔ اسی طرح اگر کوئی شخص زمین پر ہو اور اسے ڈر ہو کہ وہ سجدہ میں پڑنے کی وجہ سے کوئی درندہ اسے شکار کرلے گا یا کوئی اس پر تلوار کا وار کر کے مار دے گا ‘ اور قیام کی حالت میں یہ خوف دامن گیر ہو تو بیٹھ کر اشارے سے نماز پڑھے۔ یہ تمام امام ابوحنیفہ ‘ ابو یوسف ‘ محمد (رح) کا مسلک ہے۔
تخریج : نسائی ١؍١٠٧۔
اللغآت : ہوی حصہ ٹکڑا۔ کفی یکفی : کفایت کرنا ‘ کافی ہونا۔
حاصل روایات : اس روایت میں ابو سعید (رض) نے اطلاع دی ہے کہ اس نے دن سواری کی حالت میں نماز ترک فرمانے کی وجہ یہ ہے کہ سواری پر نماز کا حکم ابھی نازل نہ ہوا تھا۔
پس اس سے یہ بات ثابت ہوگئی کہ جب آدمی میدان جنگ میں مصروف ہو اور سواری سے اترنا ممکن نہ ہو تو اسے اشارہ کے ساتھ سواری پر نماز درست ہے۔ بالکل اسی طرح جب آدمی زمین پر ہو اور اسے خطرہ ہو کہ اگر وہ سجدہ کرے گا تو اس کو کوئی درندہ پھاڑ ڈالے گا یا کوئی آدمی حملہ کر کے تلوار سے قتل کر دے گا تو اسے بیٹھے بیٹھے اشارے سے نماز پڑھ لینی چاہیے اور قیام کی حالت میں خطرہ ہو تو اشارہ سے نماز قیام کی حالت میں ادا کرے۔
اسی طرح امام ابوحنیفہ ‘ ابو یوسف ‘ محمد (رح) کا قول ہے۔
نوٹ : اس باب میں بھی نظری دلیل پیش نہیں کی صرف نقلی پر اکتفاء کیا ہے اور مسلک راجح کو عادت کے مطابق اخیر میں ذکر کیا ہے۔