١٨٥٧: ہشام نے بیان کیا کہ بنی مالک بن شرحبیل کے اسحاق بن عبداللہ بن کنانہ سے بتلایا کہ مجھے ولید بن عقبہ (رض) نے بھیجا کہ میں ابن عباس (رض) سے جناب رسول اللہ (صلی اللہ علیہ وآلہ وسلم) کے استسقاء کے سلسلہ میں دریافت کروں چنانچہ میں ابن عباس (رض) کی خدمت میں آیا اور میں نے کہا ہم نے مسجد میں جناب رسول اللہ (صلی اللہ علیہ وآلہ وسلم) کی صلوۃ استسقاء کے متعلق اختلاف و بحث کی ہے آپ نے فرمایا نہیں بلکہ تمہیں تمہارے چچا زاد بھائی ولید نے بھیجا ہے وہ ان دنوں مدینہ کے گورنر تھے اگر وہ خود پیغام بھیج کر پوچھتا تو تب بھی اس میں قباحت نہ تھی پھر ابن عباس (رض) نے فرمایا جناب رسول اللہ (صلی اللہ علیہ وآلہ وسلم) پرانے کپڑوں میں تواضع اور تضرع کے ساتھ نکلے یہاں تک کہ عید گاہ میں آئے اور تمہاری طرح کا خطبہ نہیں دیا بلکہ دعا اور گڑگڑانے اور اللہ تعالیٰ کی بڑائی بیان کرتے رہے پھر دو رکعت نماز ادا فرمائی جیسے عیدین کی نماز ہوتی ہے۔
تخریج : ابو داؤد فی الاستسقاء باب ١‘ نمبر ١١٦٥‘ ترمذی فی الاستسقاء باب ٤٣‘ نمبر ٥٥٨۔
اللغات : کما یصلی فی العبدین۔ یہ جملہ دو احتمال رکھتا عیدین کے ساتھ جہر میں تشبیہہ دی یا تکبیرات زوائد میں اور خطبہ میں تشبیہ دی ہے۔