١٨٨٢: سعید بن جبیر نے ابن عباس (رض) سے نقل کیا ہے۔ اگر سورج کا گہن سے صاف ہونا چوتھے رکوع میں ہو وہ بھی کرے گا یہ پہلی رکعت کی بات ہے دوسری رکعت اسی طرح پڑھی جائے گی۔ یہ ابن جبیر (رح) ہیں جو حضرت ابن عباس (رض) کے متعلق بتلا رہے ہیں کہ انھوں نے فرمایا اگر چوتھی رکوع میں اگر سورج گرہن چھٹ جائے تو وہ رکوع اور سجدہ کرے گا اور چوتھا رکوع یہ دوسری رکعت کا پہلا رکوع ہے۔ اس سے ثابت ہوا کہ ان کے ہاں رکوع معلوم و مقرر نہیں۔ یہ رکوع سورج کے روشن ہونے تک کرتا رہے جب وہ روشن ہوچکے تو پھر نماز کو منقطع کرلے اور اس میں جناب رسول اللہ (صلی اللہ علیہ وآلہ وسلم) کے اس ارشاد سے استدلال کیا ہے : ” فصلوا حتی تنجلی “ مگر دیگر علماء نے ان سے اختلاف کرتے ہوئے کہا کہ سورج گرہن کی نماز بھی دو رکعت ہے ‘ خواہ ان کو طویل کرو خواہ مختصر کرلو۔ پھر طویل دعا کی جائے یہاں تک کہ سورج روشن ہوجائے۔ ان کی اس سلسلہ میں یہ روایات مستدل ہیں۔
حاصل روایات : ابن جبیر ابن عباس (رض) سے نقل کر رہے ہیں کہ اگر انجلاء شمس تک ایک رکعت میں چار رکوع کرنے پڑیں تو وہ بھی کئے جائیں گے پس معلوم ہوا کہ رکوعات کی تعداد متعین نہیں ہے البتہ رکعات دو ہی ہوں گی۔
فریق خامس کا مؤقف : نماز گہن کی بھی دو رکعت ہیں اور جس طرح نفلی نمازوں میں طویل قراءت کے باوجود رکوع کی تعداد میں اضافہ نہیں ہوتا اسی طرح یہاں بھی طویل قراءت ہوگی مگر رکوع کی تعداد اسی قدر ہوگی پھر انجلاء شمس تک دعا و استغفار میں مشغول رہیں گے جیسا کہ روایات سے ثابت ہوتا ہے۔ روایات ملاحظہ ہوں۔