١٩٠٦: قیس بن ابی حازم کہتے ہیں کہ میں نے حضرت ابو مسعود (رض) انصاری سے سنا کہ جناب رسول اللہ (صلی اللہ علیہ وآلہ وسلم) نے فرمایا سورج اور چاند اللہ تعالیٰ کی قدرت کی نشانیاں ہیں یہ کسی کی موت و پیدائش سے متعلق نہیں جب تم ان کو دیکھو تو ونماز کے لیے کھڑے ہوجاؤ۔ پس اس ارشاد میں اس وقت نماز کے لیے کھڑے ہونے کا حکم دیا جبکہ پہلی روایات میں نماز کے بعد دعا اور استغفار کا بھی حکم ہے ‘ یہاں تک کہ سورج روشن ہوجائے۔ اس سے یہ ثابت ہوگیا کہ ان کو سورج کے روشن ہونے تک نماز کے نہ توڑنے کا حکم نہیں دیا گیا۔ اس سے دوسری یہ بات بھی ثابت ہوگئی کہ وہ نماز کو چاہیں تو مختصر پڑھ لیں اور اسے دعا کے ساتھ ملائیں یہاں تک کہ سورج روشن ہوجائے۔
تخریج : بخاری فی الکسوف باب ١٣‘ مسلم فی الکسوف نمبر ٢١۔
اس روایت میں نماز کے قیام کا کسوف کے وقت حکم فرمایا گیا ہے اور اس سے پہلی روایات میں دعا ‘ استغفار ‘ غلام آزاد کرنے کا حکم ہے معلوم ہوا کہ انکشاف آفتاب تک نماز دعا و استغفار میں مشغول رہنا چاہیے اسی وجہ سے طویل نماز زیادہ بہتر ہے اگر مختصر پڑھ کر دعا و استغفار کرتے رہیں تاآنکہ آفتاب چھٹ جائے تو یہ بھی مناسب ہے۔
غلطی کا ازالہ : روایت ملاحظہ ہو۔