١٩٣٧: عبداللہ بن شقیق عقیلی نے حضرت عائشہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نماز کی تکبیر افتتاحی بیٹھ کر اور کبھی کھڑے ہو کر کرتے تھے پس جب آپ کھڑے ہو کر شروع کرتے تو کھڑا ہو کر نماز ادا کرتے اور کھڑے ہونے کی حالت میں رکوع کرتے اور جب بیٹھ کر ابتداء کرتے تو بیٹھ کر رکوع کرتے۔
تخریج : مسلم فی المسافرین ١٠٥؍١٠٦‘ ١٠٧؍١٠٩‘ نسائی ١؍٢٤٤۔
خلاصہ الزام :
نمبر 1: بیٹھ کر نماز شروع کرنے کے بعد کھڑے ہو کر رکوع کرنے کو ابن سیرین (رح) و اہل ظواہر مکروہ تحریمی کہتے ہیں۔
نمبر 2: دیگر تمام ائمہ اس کو جائز قرار دیتے ہیں۔
مؤقف فریق اوّل : نماز اگر بیٹھ کر شروع کرچکا تو رکوع کے لیے اس کو اٹھنا جائز نہیں ہے دلیل یہ روایت ہے جو حضرت عائشہ (رض) سے مروی ہے۔