٢٠١٣: جبیر بن نفیر حضرمی نے ابو ذر (رض) سے بیان کیا کہ میں نے جناب رسول اللہ (صلی اللہ علیہ وآلہ وسلم) کے ساتھ رمضان کا روزہ رکھا اور ہمیں قیام لیل کرایا یہاں تک کہ جب تیسویں رات آئی تو آپ نے نکل کر ہمیں نماز پڑھائی یہاں تک کہ رات کا ثلث گزر گیا پھر ہمیں اگلے روز (چوبیسویں کو نماز نہ پڑھائی یہاں تک کہ پچیس کی رات نکل کر نماز پڑھائی یہاں تک کہ رات کا ایک حصہ گزر گیا ہم نے عرض کیا یارسول اللہ (صلی اللہ علیہ وآلہ وسلم) ! کاش آپ ہمیں نفل نماز پڑھاتے آپ نے فرمایا جب لوگ امام کے ساتھ نماز پڑھ کر لوٹتے ہیں تو ان کے لیے اس رات کا قیام لکھ دیا جاتا ہے پھر چھبیس کی رات آپ نے ہمیں نماز نہ پڑھائی جب ستائیسویں کی رات آئی آپ خود گھر والوں سمیت نکلے آپ نے ہمیں نماز پڑھائی یہاں تک کہ ہمیں خطرہ ہوگیا کہ سحری فوت ہوجائے گی۔ ابو ذر (رض) نے فلاح کا معنی سحری بتلایا ہے۔ بعض علماء اس طرف گئے ہیں کہ رمضان کی رات مسجد میں قیام نسبت گھروں میں قیام کے افضل ہے۔ ان کا استدلال جناب رسول اللہ (صلی اللہ علیہ وآلہ وسلم) کے اس ارشاد سے ہے کہ جو شخص مسجد میں قیام کر کے لوٹا تو اسے بقیہ رات کے قیام کا ثواب ملتا ہے۔ مگر دوسری جماعت نے اس سے اختلاف کرتے ہوئے کہا کہ گھر میں قیام رمضان ‘ مسجد میں پڑھنے سے افضل ہے۔ فریق اوّل کی یہ دلیل کو جو شخص امام کے ساتھ قیام کر کے لوٹا تو اس کو بقیہ رات کے قیام کا ثواب ملتا ہے۔ اس کے قول رسول (صلی اللہ علیہ وآلہ وسلم) ہونے میں کلام نہیں ‘ مگر آپ کا یہ ارشاد بھی تو ہے : ” خیر صلوۃ المرء فی بیتہٖ الا المکتبوبۃ “ نفل نماز گھر میں افضل ہے البتہ فرض نماز۔ یہ حضرت زید بن ثابت (رض) کی روایت میں ہے۔ یہ اس وقت کی بات ہے جب آپ نے ان کے ساتھ رمضان المبارک کی رات میں کیا اور ان کی چاہت یہ تھی کہ آپ اور بھی نماز پڑھائیں ‘ اس وقت آپ (صلی اللہ علیہ وآلہ وسلم) نے یہ بات فرمائی۔ آپ نے تو ان کو بتلایا کہ ان کا گھر نماز پڑھنا ان کے مسجد میں نماز سے افضل ہے۔ تو یہ نماز اس لائق ہے کہ اسے گھر میں ادا کیا جائے۔ ان دونوں کو تضاد سے محفوظ کرنے کا تقاضا یہ ہے کہ روایت ابو ذر (رض) سے امام کے ساتھ قیام سے بقیہ رات کے قیام کا ثواب ملنا ثابت ہوا اور زید بن ثابت (رض) کی روایت سے گھر میں پڑھنے ک افضلیت ثابت ہوئی۔
اللغات : السادسہ سے ٢٤ رمضان السابعہ تئیس رمضان الخامسہ سے ٢٥ رمضان الفلاح سحری۔
تخریج : ابو داؤد فی رمضان باب ١‘ نمبر ١٣٧٥‘ ترمذی فی الصوم باب ٨١‘ نمبر ٨٠٦‘ نسائی فی السہو باب ١٠٣‘ قیام لیل باب ٤‘ ابن ماجہ فی الاقامہ باب ١٧٣‘ نمبر ١٣٢٧ مسند احمد ٥؍١٥٩۔
حاصل روایات : یہ ہے کہ آپ (صلی اللہ علیہ وآلہ وسلم) نے صحابہ کرام (رض) کو مسجد میں تراویح پڑھائی ہیں معلوم ہوا کہ مسجد میں پڑھنا افضل ہے اور اس سے قیام لیل کا ثواب بھی مفت میں مل جاتا ہے۔
مؤقف ثانی : رمضان میں تراویح گھر میں افضل ہے دلیل ملاحظہ ہو۔
خلاصہ الزام :
تراویح کی رکعات کی تعداد کتنی ہے اور تراویح مسجد میں افضل یا تنہا گھر میں۔
نمبر 1: اہل ظواہر آٹھ رکعت۔
نمبر 2: ائمہ اربعہ اور جمہور بیس رکعت تراویح مانتے ہیں تراویح مسجد میں افضل ہے یہ امام ابوحنیفہ ‘ شافعی ‘ احمد بن حنبل (رح) کا مسلک ہے۔ امام مالک ابراہیم نخعی گھر میں افضل مانتے ہیں۔
تراویح کی تعداد کے متعلق صرف حضرت ابن عباس (رض) کی روایت نقل کرتے ہیں۔ ان رسول اللہ ﷺ کان یصلی فی رمضان عشرین رکعۃ والوتر الحدیث۔
تخریج : مصنف ابن ابی شیبہ ص ٣٩٤ ج ٢۔
مؤقف اول : تراویح مسجد میں باجماعت افضل ہے دلیل یہ ہے۔