٢٠١٤: بشر بن سعید نے حضرت زید بن ثابت (رض) سے نقل کیا کہ نبی اکرم (صلی اللہ علیہ وآلہ وسلم) نے اپنے لیے مسجد میں چٹائی کا حجرہ بنایا اس میں جناب رسول اللہ (صلی اللہ علیہ وآلہ وسلم) نے کئی راتیں نماز ادا کی یہاں تک کہ لوگ جمع ہوئے تو انھوں نے آپ کی آواز کو گم پایا انھوں نے خیال کیا کہ آپ سو گئے ہیں بعض لوگ کھنگارنے لگے تاکہ آپ آواز سن کر نکل آئیں آپ نے فرمایا مجھے تمہاری طرف سے جو طرز عمل تھا وہ سامنے رہا یہاں تک کہ مجھے قیام لیل کے فرض ہونے کا خطرہ ہوا اگر وہ تم پر فرض ہوجاتا تو تم نہ کرتے۔ اے لوگو ! اپنے گھروں میں نماز ادا کرو بیشک فرض نماز کے علاوہ آدمی کی افضل نماز وہ ہے جو گھر میں ادا کی جائے۔
تخریج : بخاری فی الاذان باب ٨١‘ والللباس باب ٤٣‘ الادب باب ٧٥‘ مسلم فی المسافرین نمبر ٢١٣‘ ابو داؤد فی الوتر باب ١١‘ نمبر ١٠٤٤‘ نسائی فی القبلہ باب ١٣‘ مسند احمد ٥؍١٨٧۔