٢١٥٧: عبداللہ بن ابی موسیٰ نقل کرتے ہیں کہ میرے والد نے بتلایا کہ مجھے حذیفہ اور عبداللہ بن مسعود (رض) کو سعید بن العاص (رض) نے فجر کی نماز سے پہلے بلایا پھر وہ ان کے ہاں سے نکلے جبکہ جماعت کھڑی ہوا چاہتی تھی عبداللہ تو مسجد کے ایک ستون کے پاس بیٹھ گئے اور دو رکعت نماز پڑھی پھر نماز میں شامل ہوگئے۔ یہ حضرت عبداللہ بن ابو موسیٰ (رض) جنہوں نے یہ اپنے والد ابوموسیٰ اور حذیفہ (رض) کی معیت میں کیا ان دونوں نے ان کو نہ ٹوکا ‘ پس اس سے ان دونوں کی موافقت ثابت ہوگئی۔
تخریج : عبدالرزاق ٢؍٤٤٤۔
حاصل روایات : یہ عبداللہ نے ایسی حالت میں کیا جبکہ حذیفہ اور ابو موسیٰ ان کے ساتھ تھے انھوں نے نکیر نہیں فرمائی پس یہ چیز ان کی موافقت پر دلالت کرتی ہے اگر سنت فجر مسجد کے ایک طرف پڑھ لی جائیں تو حرج نہیں۔