٢٢٣٣: ابو عمیر بن انس بن مالک کہتے ہیں کہ مجھے انصاری پھوپھی سے خبر دی کہ رمضان کی آخری رات چاند لوگوں پر مخفی ہوگیا یہ آپ (صلی اللہ علیہ وآلہ وسلم) کے زمانے کی بات ہے صبح سب کے روزے تھے زوال آفتاب کے بعد آپ کے پاس گواہی دی گئی کہ گزشتہ رات کو چاند دیکھا گیا ہے پس جناب رسول اللہ (صلی اللہ علیہ وآلہ وسلم) نے افطار کا حکم دیا لوگوں نے اسی وقت افطار کردیا اگلے روز آپ ان کو لے کر نکلے اور ان کو نماز عید پڑھائی۔ بعض علماء اس طرف گئے ہیں کہ اگر لوگوں سے عید کے دن شروع دن میں عید رہ گئی تو وہ اسے اگلے روز عید کے وقت میں ادا کریں۔ یہ امام ابو یوسف (رح) کا قول ہے۔ دوسروں نے اس کی مخالفت میں کہا کہ جب عید کے روز عید فوت ہوجائے اور زوال کا وقت ہوجائے تو عید نہ اس دن زوال کے بعد پڑھی جائے اور نہ اگلے روز۔ یہ امام ابوحنیفہ (رح) کا قول ہے اور ان کی دلیل یہ ہے کہ ہشام سے دیگر روات نے ” انہ صلی بھم من الغد “ کے لفظ نقل نہیں کیے اور یحییٰ بن حسان اور سعید بن منصور (رح) یہ بھی ہشام کے شاگرد ہیں مگر ان کی روایت میں بھی یہ الفاظ موجود نہیں ‘ یہ وہ شاگرد ہیں جنہوں نے ہشام کی تدلیس کو واضح کیا ہے۔
امام طحاوی کہتے ہیں جیسا اس روایت سے ظاہر ہو رہا ہے کہ جب لوگوں سے پہلے دن عید رہ جائے تو پھر وہ اگلے دن پڑھیں اور یہ امام ابو یوسف (رح) کی رائے ہے۔
روایت کا جواب :
اس روایت کو ہشیم سے یحییٰ بن حسن اور سعید بن منصور نے بھی روایت کیا مگر انھوں نے وہ الفاظ فصلی بہم صلوۃ العید کے الفاظ نقل نہیں کئے حالانکہ ہشیم کی روایات کے یہی بڑے حافظ نہیں اور انھوں نے ہشیم کی تدلیس کو واضح کیا ہے۔ روایات سعید و یحییٰ ملاحظہ ہوں۔
خلاصہ الزام : نماز عید امام احمد (رح) کے ہاں فرض اور امام ابوحنیفہ (رح) واجب قرار دیتے ہیں اور مالک و شافعی (رح) سنت موکدہ کہتے ہیں عید اگر پہلے روز نہ پڑھی جاسکے تو دوسرے دن پڑھی جائے گی امام ابو یوسف (رح) احمد (رح) کا یہ مسلک ہے مگر امام شافعی (رح) ومالک (رح) کے ہاں دوسرے دن نہیں پڑھ سکتے۔
مسئلہ ثانی میں فریق اوّل : عذر کی وجہ سے عید دوسرے دن پڑھی جاسکتی ہے۔ دلیل یہ ہے۔