٢٢٤٢: نافع نے حضرت ابن عمر (رض) سے روایت کی کہ جناب رسول اللہ (صلی اللہ علیہ وآلہ وسلم) کعبہ میں داخل ہوئے آپ کے ساتھ اسامہ بن زید بلال ‘ عثمان بن طلحہ الحجبی داخل ہوئے اس نے باب کعبہ کو بلند کردیا اور اس میں کچھ دیر رکے۔ ابن عمر (رض) کہتے ہیں کہ میں نے بلال سے دریافت کیا جبکہ وہ باہر آئے جناب رسول اللہ (صلی اللہ علیہ وآلہ وسلم) نے بیت اللہ میں کیا گیا ؟ تو بلال (رض) نے بتلایا ایک ستون بائیں طرف اور دو ستون دائیں طرف اور تین ستون پیچھے چھوڑے پھر نماز ادا کی اور آپ کے اور دیوار کے درمیان تین ہاتھ کا فاصلہ تھا اس وقت بیت اللہ کی چھت چھ ستونوں پر قائم تھی۔
تخریج : بخاری فی الحج باب ٥١۔