٢٢٤٨: علاء بن عبدالرحمن کہتے ہیں کہ میں ابی (رض) کے ساتھ تھا پھر ہماری ملاقات ابن عمر (رض) سے ہوگئی۔ حضرت ابی نے ان سے پوچھا جبکہ میں سن رہا تھا جناب رسول اللہ (صلی اللہ علیہ وآلہ وسلم) نے بیت اللہ میں داخل ہو کر کہاں نماز ادا کی ؟ ابن عمر (رض) نے جواب دیا جناب رسول اللہ (صلی اللہ علیہ وآلہ وسلم) اسامہ بن زید اور بلال کے درمیان بیت اللہ میں داخل ہوئے جب آپ باہر تشریف لائے تو میں نے ان دونوں سے سوال کیا جناب رسول اللہ (صلی اللہ علیہ وآلہ وسلم) نے کہاں نماز ادا فرمائی۔ تو دونوں نے جواب دیا سامنے کی جانب۔