٢٣٢٣: ہمام بن حارث کہتے ہیں کہ عمر (رض) مغرب کی نماز میں قراءت بھول گئے پس آپ نے ان کو دوبارہ نماز پڑھائی۔ پس جب قراءت کے چھوٹنے کی وجہ سے حضرت عمر (رض) نے نماز کا اعادہ کیا (اگرچہ ترک قراءت سے نماز کے فاسد ہونے میں اختلاف ہے) تو جنابت کی حالت میں نماز پڑھانے کے بعد اس کا لوٹانا زیادہ قرین قیاس ہے۔ اگر کوئی معترض کہے کہ حضرت عمر (رض) کا قول اس کے برعکس بھی مروی ہے۔ ملاحظہ ہو۔
حاصل اثر :
جب ترک قراءت جس میں اختلاف ہے اس پر بھی نماز کو لوٹاتے ہیں تو جنابت پر نماز کا دھرانا بدرجہ اولیٰ ہے۔
ایک اشکال :
عمر (رض) سے اس کے خلاف روایت موجود ہے۔ آگے ملاحظہ ہو۔