٢٣٢٥: جابر جعفی نے مجاہد و طاؤس (رح) سے بیان کیا کہ جو امام لوگوں کو اس حال میں نماز پڑھائے کہ اس کا وضو نہیں تھا تو طاوس (رح) نے جواب دیا وہ تمام نماز کا اعادہ کریں گے۔ اور متقدمین کی ایک جماعت سے بھی ایسی چیزیں منقول ہیں جو ہمارے مذہب کی موافقت کرنے والے ہیں جبکہ امام اور مقتدیوں کی نماز مختلف ہو (تو مقتدیوں کو اعادہ کرنا ہوگا) ۔
امام و مقتدی کی نمازیں جب مختلف ہوں تو تب بھی اعادہ ضروری ہے۔ جیسا یہ روایت ہے۔