٢٤٢٤: سعید بن یسار کہتے ہیں کہ میں حضرت عبداللہ بن عمر (رض) کے ساتھ مکہ جا رہا تھا جب مجھے صبح کے نکلنے کا خطرہ ہوا تو میں نے نیچے اتر کر وتر ادا کئے ابن عمر (رض) فرمانے لگے تم کہاں تھے میں نے کہا مجھے پو پھوٹنے کا خطرہ ہوا پس میں نے اتر کر وتر ادا کئے ہیں ابن عمر (رض) فرماتے کیا جناب رسول اللہ (صلی اللہ علیہ وآلہ وسلم) کی ذات گرامی تیرے لیے اچھا نمونہ نہیں ؟ میں نے کہا کیوں نہیں اللہ کی قسم ! تو ابن عمر (رض) کہنے لگے جناب رسول اللہ (صلی اللہ علیہ وآلہ وسلم) اونٹ پر وتر ادا فرما لیا کرتے تھے۔
تخریج : مسلم فی المسافرین نمبر ٣٦۔