٢٥٠٠: حنظلہ بن راہب کہتے ہیں کہ حضرت عمر (رض) نے مغرب کی نماز پڑھائی اور پہلی رکعت میں کچھ بھی نہ پڑھا جب دوسری رکعت ہوئی تو اس میں فاتحہ الکتاب اور ایک سورة دو مرتبہ پڑھی جب سلام پھیرا تو سہو کے دو سجدے ادا کئے۔ جناب رسول اللہ (صلی اللہ علیہ وآلہ وسلم) کا وہ سجدہ جو نماز میں اضافہ کی وجہ سے تھا اور وہ سلام کے بعد کیا ‘ عمر فاروق (رض) نے اس کو اس بات کی دلیل سمجھا کہ ہر سہو کا نماز میں یہی حکم ہے اور سعد بن ابی وقاص (رض) نے بھی اسی طرح کیا۔
حاصل روایات : حضرت عمر (رض) کے ہاں وہ سجدہ جو روایت ذوالیدین میں اضافہ کی وجہ سے کیا اور وہ سجدہ جو اس نماز میں کیا یہ دلیل بن گئے کہ زیادتی یا کمی کے اعتبار سے سجدے میں فرق نہ ہوگا وہ سلام کے بعد ہی ہوگا۔