٢٥ : ہمام بن الحارث کہتے ہیں کہ وہ حضرت عائشہ (رض) کے ہاں مہمان تھا اتفاقاً ان کو احتلام ہوگیا حضرت عائشہ (رض) کی لونڈی نے ان کو دیکھ لیا کہ وہ احتلام کے اثر کو کپڑے سے دھو رہے ہیں یا کپڑے کو دھو رہے ہیں لونڈی نے اس کی اطلاع حضرت عائشہ صدیقہ (رض) کو دی تو حضرت عائشہ صدیقہ (رض) نے فرمایا میں نے اپنے کو اس طرح کرتے پایا کہ جناب رسول اللہ (صلی اللہ علیہ وآلہ وسلم) کے کپڑے سے میں منی کو کھرچ دیا کرتی تھی۔ (یعنی خشک ہونے کی صورت میں دھوتی نہ تھی)
تخریج : مسلم فی الطھارۃ روایت ١٠٥‘ ابو داؤد فی الطھارۃ باب ١٣٤‘ روایت ٣٧١‘ نسائی فی الطھارۃ باب ١٨٧‘ مسند احمد ٦؍٣٥‘ دارقطنی ١؍١٢٥