٢٥٣٩: ابو ططفان نے حضرت ابوہریرہ (رض) سے نقل کیا ہے کہ انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت نقل کی ہے۔
حاصل روایات : ان روایات میں نماز کے اندر پیش آنے والی تمام باتوں کے قائم مقام تسبیح کو قرار دیا گیا ہے۔
روایت ذوالیدین کا جواب : فصل اول کی روایات میں ذوالیدین (رض) کا جناب رسالت مآب (صلی اللہ علیہ وآلہ وسلم) سے کلام جس کا تذکرہ عمران ‘ ابن عمر ‘ ابوہریرہ (رض) کی روایات میں وارد ہے وہ کلام میں تحریم کا حکم اترنے سے پہلے کا ہے یہ روایت اس کی دلیل ہے۔