٢٦٦٦: ابو اسحاق نے المخارق سے نقل کیا کہ ہم حج کے لیے روانہ ہوئے تو ہمارا گزر مقام ربذہ کے پاس سے ہوا ہم نے وہاں ابو ذر (رض) کو نماز پڑھتے دیکھا چنانچہ انھیں دیکھا کہ وہ قیام طویل نہ فرماتے تھے البتہ رکوع و سجدے کثرت سے کرتے تھے میں نے ان سے اس سلسلے میں عرض کیا تو کہنے لگے مجھے اس کو خوب (طویل) کرنے کی پروا نہیں میں نے جناب رسول اللہ (صلی اللہ علیہ وآلہ وسلم) کو فرماتے سنا جس نے ایک رکوع کیا اور ایک سجدہ کیا اللہ تعالیٰ اس سے اس کا ایک درجہ بڑھاتے ہیں اور ایک غلطی معاف فرماتے ہیں۔ امام طحاوی (رح) فرماتے ہیں کہ بعض علماء کا قول ہے کہ نفل نماز میں طویل قیام اور قراءت کی نسبت رکوع اور سجدات کی کثرت افضل ہے اور انھوں نے روایت بالا کو دلیل بنایا۔ دوسرے علماء نے ان سے اختلاف کرتے ہوئے کہا کہ طویل قیام افضل ہے اور ان کی دلیل وہ روایت ہے جو اسی کتاب میں ہم جناب رسول اللہ (صلی اللہ علیہ وآلہ وسلم) سے نقل کر آئے کہ آپ سے دریافت کیا گیا کہ کونسی نماز (نفلی) افضل ہے تو جناب رسول اللہ (صلی اللہ علیہ وآلہ وسلم) نے فرمایا کہ طویل قیام والی۔ بعض روایتوں میں قنوت کا لفظ آیا اور بعض میں قیام کا (ہر دو کا معنی ایک ہی ہے) ۔ تو جناب رسول اللہ (صلی اللہ علیہ وآلہ وسلم) نے طویل قیام کو کثرت رکوع اور سجود سے افضل قرار دیا اور رہی روایت ابوذر جو ہم نے ذکر کی ہے اس میں ہماری اس بات کے خلاف کوئی چیز نہیں ‘ کیونکہ یہ عین ممکن ہے کہ جناب رسول اللہ (صلی اللہ علیہ وآلہ وسلم) کا ارشاد گرامی کہ جس میں آپ نے فرمایا کہ جس نے اللہ تعالیٰ کے لیے ایک رکوع کیا یا ایک سجدہ کیا وہ اس بات پر محمول ہو کہ جو اس سے پہلے لمبا قیام کیا ہو اور یہ بھی کہنا درست ہے کہ جس نے اللہ کے لیے ایک رکعت ادا کی اور ایک سجدہ کیا تو اللہ تعالیٰ اس کے ذریعے اس کا ایک درجہ بلند کرتے ہیں اور اس کا ایک گناہ مٹا دیتے ہیں اور اگر اس نے اس کے ساتھ ساتھ لمبے قیام کا اضافہ کرلیا تو یہ افضل ہے اور اللہ تعالیٰ اس کو اس سے بڑھ کر ثواب دیں گے۔ یہ معنی جو ہم نے بیان کیا اس روایت سے مراد لینا بہتر ہے۔ تاکہ وہ دوسری حدیث کے خلاف نہ ہو جس کو ہم نے پیچھے ذکر کیا۔ جنہوں نے اس طویل قیام کو افضل قرار دیا کہ وہ زیادہ رکوع اور سجود سے بہتر ہے وہ امام محمد بن حسن (رح) ہے اور مجھے یہ بات ابن ابی عمران نے نقل کی کہ یہی امام ابوحنیفہ اور ابویوسفجواب کا قول بھی ہے۔
تخریج : مسلم فی الصلاۃ ٢٢٥‘ عن ثوبان مولی رسول اللہ ۔

خلاصہ الزام :
نمبر 1: امام شافعی ‘ احمد جواب کے ہاں کثرت رکعات اور کثرت سجود زیادہ افضل ہے۔
نمبر 2: امام ابو یوسف امام ابوحنیفہ اور جمہور فقہاء (رح) کے ہاں طول قیام افضل ہے امام شافعی و احمد کا قول بھی اسی طرف ہے۔
مؤقف ِفریق اوّل : کثرت رکعات اور کثرت سجود افضل ہے دلائل یہ ہیں۔
حاصل روایت : اس روایت سے کثرت سجود رکوع کی افضلیت ثابت ہوتی ہے یہ طول قیام و قراءت سے افضل ہے۔
مؤقف فریق ثانی و دلائل : طول قیام و قراءت نوافل میں کثرت رکوع و سجود سے افضل ہے۔ دلائل یہ ہیں۔
ہم پہلے مسلم فی المسافرین نمبر ١٦٤ کی روایت نقل کر آئے کہ آپ (صلی اللہ علیہ وآلہ وسلم) سے یہ دریافت کیا گیا کہ نفلی نمازوں میں کون سی نماز افضل ہے آپ نے فرمایا طویل قیام والی اس میں قنوت اور قیام دونوں لفظ وارد ہیں جن کا معنی ایک ہے تو اس ارشاد میں آپ نے طویل قیام کو کثرت رکوع و سجود سے افضل قرار دیا ہے اب روایات ابو ذر (رض) کا جواب ملاحظہ کریں۔
روایت ابو ذر (رض) میں طویل قیام کے خلاف ایک بات بھی نہیں پائی جاتی کیونکہ اس ارشاد میں احتمالات ہیں۔
نمبر 1: جس نے اللہ تعالیٰ کے لیے ایک رکوع اور ایک سجدہ کیا اس کے ساتھ ساتھ کہ اس نے اس قیام کو لمبا کرلیا اس کو یہ عظیم الشان بدلہ ملے گا۔
نمبر 2: جس نے اللہ تعالیٰ کے لیے ایک رکوع ‘ ایک سجدہ کیا اللہ تعالیٰ اس کے درجات بلند کریں گے اور گناہ مٹا دیں گے اور اگر اس سے قیام کو طویل کرلیا تو وہ اور بہتر ہے اور اللہ تعالیٰ اس سے بڑھ کر ثواب دیں گے۔
اس حدیث سے یہ معنی لینا اولیٰ ہے تاکہ دوسری احادیث کے خلاف نہ رہے۔
طول قیام کو افضل قرار دینے والوں میں ہمارے ائمہ ثلاثہ ابوحنیفہ ‘ ابو یوسف ‘ محمد (رح) کا یہی قول ہے۔
اس قول کی تائید میں اگلی حدیث ملاحظ فرمائیں