٢٩٣٧: کنانہ بن نعیم نے قبیصہ بن مخارق (رض) سے نقل کیا ہے کہ میں نے ایک ذمہ داری اٹھائی اور اس سلسلہ میں جناب نبی اکرم (صلی اللہ علیہ وآلہ وسلم) کی خدمت میں حاضر ہوا اور آپ سے سوال کیا تو آپ نے فرمایا تم اس کو صدقہ کے اونٹوں سے لے لینا۔ ابل الصدقہ یا نعم الصدقہ کا لفظ فرمایا۔
پھر فرمایا اے قبیصہ سوال تین آدمیوں کو درست ہے۔
نمبر 1: جس آدمی نے کسی کی ضمانت اٹھائی وہ اس پر پڑگئی وہ اس وقت تک سوال کرسکتا ہے جب تک اس کی ادائیگی کرنا ہوگی۔
نمبر 2: وہ آدمی جس کو کوئی آسمانی آفت پہنچی جس سے اس کا مال جاتا رہا اس کو اس وقت تک سوال درست ہے یہاں تک کہ گزر اوقات یا مناسب گزارا پالے پھر وہ رک جائے۔
نمبر 3: وہ آدمی جس کو کوئی ضرورت پیش آئی اس نے اپنی قوم کے تین عقل مند آدمیوں سے اس کے پیش آنے کی بات کی اس سے وہ محتاج ہوگیا تو اس کو اس وقت تک سوال درست ہے جب تک مناسب گزر اوقات نہ پالے یا ضرورت پوری ہوجائے پھر وہ سوال سے رک جائے ان کے علاوہ سوال جہنم کی آگ ہے۔
تخریج : مسلم فی الزکوۃ ١٠٩‘ ابو داؤد فی الزکوۃ باب ٢٦‘ نمبر ١٦٤٠‘ نسائی فی الزکوۃ باب ٨٠‘ دارمی فی الزکوۃ باب ٣٧‘ مسند احمد ٣؍٤٧٧۔