٣٢٣٨: خالد بن معدان نے عبداللہ بن بسر سے انھوں نے اپنی بہن صماء بنت بسر (رض) سے نقل کیا کہ جناب رسول اللہ (صلی اللہ علیہ وآلہ وسلم) نے فرمایا تم ہفتے کے دن کا روزہ فرض روزوں کے علاوہ مت رکھو اگر اس دن کوئی چیز کھانے کی میسر نہ ہو تو درخت کا چھلکا یا انگور کی لکڑی لے کر اس کو چبا لو۔ امام طحاوی (رح) فرماتے ہیں کہ بعض علماء نے اس روایت کے پیش نظریہ بات اختیار کی کہ ہفتہ کے دن روزہ رکھنا مکروہ ہے۔ مگر دیگر علماء نے ان سے اختلاف کرتے ہوئے کہا کہ ہفتے کے دن روزہ رکھنے میں کچھ حرج نہیں ۔ پہلے قول کے قائلین کے خلاف ان کی دلیل وہ روایت ہے کہ جس میں آپ (صلی اللہ علیہ وآلہ وسلم) نے فرمایا کہ جمعہ کے دن کا روزہ رکھنا ممنوع ہے مگر یہ کہ ایک دن اس سے پہلے یا ایک دن بعد کا روزہ رکھا جائے۔ یہ روایت ہم اسی کتاب میں گزشتہ ابواب میں ذکر کرچکے ہیں۔ تو جمعے کے بعد والا دن یہی ہفتہ کا دن بنتا ہے۔ ان روایات میں ہفتے کے دن روزہ رکھنے کا جواز ملتا ہے اور یہ روایت محدثین کے ہاں اس شاذ روایت سے زیادہ مشہور ہے جو اس کے خلاف وارد ہوئی ہے۔ دوسری بات یہ ہے کہ جناب رسول اللہ (صلی اللہ علیہ وآلہ وسلم) نے عاشوراء کے روزہ کی اجازت ہی مرحمت نہیں فرمائی بلکہ اس کی ترغیب بھی فرمائی ۔ مگر آپ نے یہ نہیں فرمایا کہ اگر یہ دن ہفتے والے دن کے برابر آجائے تو روزہ مت رکھو ۔ تو اس میں اس بات کا خود ثبوت مل گیا کہ تمام دنوں کا روزہ رکھنا اس میں شامل ہے اور جناب رسول اللہ (صلی اللہ علیہ وآلہ وسلم) نے یہ بات فرمائی کہ اللہ کے ہاں محبوب روزہ داؤد (علیہ السلام) کا ہے کہ وہ ایک دن روزہ رکھتے اور ایک دن افطار کرتے ہم اپنی اسی کتاب میں اس روایت کو اسناد کے ساتھ نقل کریں گے (ان شاء اللہ) اس میں ہفتے کا دن اور دوسرے دن کے برابر ہیں۔ ایک بات یہ ہے کہ جناب رسول اللہ (صلی اللہ علیہ وآلہ وسلم) نے بیض کے دنوں کا روزہ رکھنے کا حکم فرمایا ۔ جیسا ذیل کی روایت میں ہے۔
تخریج : ابو داؤد فی الصوم باب ٥٢‘ ترمذی فی الصوم باب ٤٣‘ ابن ماجہ فی الصیام باب ٣٨‘ باختلاف یسیر من اللفظ۔
حاصل کلام : یہ کہ اس دن کے روزے کی اس سختی سے ممانعت فرمائی گئی کہ اگر کھانے کی کوئی چیز میسر نہ ہو تو لکڑی چبا کر افطار کرلینے کی تاکید فرمائی اس سے معلوم ہوتا ہے کہ اس دن کا روزہ شدید کراہت رکھتا ہے۔
فریق ثانی کا مؤقف اور دلائل و جوابات :
اس دن کے روزے میں کراہت نہیں آگے پیچھے ایک دن ساتھ ملا لیا جائے تو بہت بہتر ہے۔
سابقہ مؤقف کا جواب :
جناب رسول اللہ (صلی اللہ علیہ وآلہ وسلم) کے ارشادات میں جمعہ کے دن اکیلا روزہ رکھنے کی ممانعت وارد ہے البتہ اس سے پہلے ایک دن یا بعد والادن ملا لیا جائے تو قباحت نہیں گزشتہ سطور میں یہ روایت مذکور ہے اب جمعہ کے بعد والا دن ساتھ ملا کر رکھنے کی اجازت دی تو جمعہ کے بعد ہفتہ ہی ہے تو ہفتے کے روزے کا جواز تو ثابت ہوگیا حرمت کی نفی تو ثابت ہوگئی۔ نیز یہ روایت جس سے ہفتہ کے دن کا روزہ مباح ثابت ہو رہا ہے یہ مشہور روایت ہے اور فریق اوّل کی مستدل تو شاذ روایت ہے پس اس کے مقابل نہ ہونے کی وجہ سے قابل عمل نہ ہوگی۔
دوسرا زاویہ نگاہ :
مزید ملاحظہ کریں عاشورہ کے روزے پر آمادہ کیا مگر اس میں یہ تو بالکل نہیں کہا کہ اگر ہفتہ کا دن اس دن میں پڑجائے تو تم روزہ نہ رکھو ایسا نہ کہنا اس بات کا ثبوت ہے کہ تمام ایام اس حکم میں داخل ہیں عاشورہ کا روزہ تو نفل ہے جس کا ہفتہ کے دن ثبوت مل رہا ہے۔ پس ہفتہ کے روزہ کی ممانعت تحریمی ثابت نہ رہی۔
ایک اور زاویہ نگاہ سے :
جناب رسول اللہ (صلی اللہ علیہ وآلہ وسلم) کا ارشاد گرامی ہے کہ : احب الصیام الی اللہ عزوجل صیام داؤد کان یصوم یوما و یفطر یوما تو ظاہر ہے کہ یہ روزے نفلی تھے اور ایک دن افطار اور ایک دن روزہ رکھنے میں دو ہفتوں کے دوران ایک مرتبہ تو ہفتہ کا دن ضرور آئے گا اس روایت سے ہفتہ اور دیگر ایام میں کم از کم برابری کا ثبوت مہیا ہوتا ہے۔
تخریج : یہ روایت بخاری باب ٥٦‘ احادیث الانبیاء باب ٣٧‘ مسلم فی الصیام ١٨١‘ ابو داؤد فی الصوم باب ٥٣‘ نسائی فی الصیام باب ٧٥‘ ابن ماجہ فی الصیام باب ٣١‘ مسند احمد ٢؍١٥٨‘ ٥؍٢٩٧ میں موجود ہے۔
ذرا غور فرمائیں : ایام بیض کے روزے ان کا جناب رسول اللہ (صلی اللہ علیہ وآلہ وسلم) نے حکم فرمایا اور آپ سے ان کا خود رکھنا بھی ثابت ہے مگر ان روایات میں یہ استثناء کہیں نہیں کہ اگر ہفتہ کا دن آجائے تو روزہ مت رکھو اس سے ثابت ہوا کہ ہفتہ کے روزہ کی ممانعت تحریمی نہیں ہوسکتی ایام بیض کی روایات ‘ بخاری باب الصوم
تخریج : بخاری فی الصوم باب ٦٠‘ ابو داؤد فی الصوم باب ٦٧‘ نسائی فی الصیام باب ٧٠‘ ابن ماجہ فی الصیام باب ٢٩‘ دارمی فی ا (رح) صوم باب ٣٨‘ مسند احمد ٤؍٥‘ ١٦٥؍٢٨۔ میں موجود ہیں۔
اللہ تعالیٰ کی طرف سے جمعہ کے دن کو خصوصی فضیلت والا بنا کر امت مسلمہ کو عنایت کیا گیا اسی طرح یہود کے لیے ہفتہ اور نصاریٰ کے لیے اتوار کا دن ان کے ہاں باعظمت شمار ہوتا ہے۔ ! اس دن کے روزے کا حکم مجاہد ‘ طاؤس اور ابراہیم رحمہم اللہ کے ہاں کراہت تحریمی کا ہے " اور ائمہ اربعہ اور جمہور فقہاء و محدثین کے ہاں روزہ درست ہے۔ #البتہ احناف کے ہاں ایک دن آگے پیچھے ساتھ ملانے کے بغیر روزہ رکھنا مکروہ ہے۔
فریق اوّل کا مؤقف اور دلائل :
ہفتہ کے دن روزہ رکھنا مکروہ تحریمی ہے دلیل یہ روایت ہے۔
نیز صماء بنت بسر والی روایت شاذ اور مضطرب ہے جس سے کیا جانے والا استدلال اتنی صریح روایات کے بالمقابل کوئی حیثیت نہیں رکھتا۔
ایام بیض کے سلسلہ کی روایات آگے ملاحظہ ہوں۔