٣٣٧٤: یزید بن ہارون نے ابن عون سے پھر انھوں نے اپنی اسناد سے اسی طرح روایت نقل کی ہے۔ امام طحاوی (رح) فرماتے ہیں کہ بعض علماء نے حضرت ابوہریرہ (رض) والی ان روایات کو لیا جن کو فضل (رض) نے جناب رسول اللہ (صلی اللہ علیہ وآلہ وسلم) سے نقل کیا اور اسی کو اپنایا۔ دیگر علماء نے ان سے اختلاف کرتے ہوئے کہا کہ وہ غسل کرے اور اس دن کا روزہ رکھے اور اس سلسلہ میں انھوں نے حضرت عائشہ صدیقہ اور سلمہ (رض) کی روایات جو انھوں نے جناب رسول اللہ (صلی اللہ علیہ وآلہ وسلم) سے نقل کی ہیں ان سے استدلال کیا ہے۔
ابن عون کہتے ہیں کہ میں نے رجاء کو کہا تمہیں یعلیٰ سے یہ بات کس نے بیان کی اس نے کہا مجھے خود یعلیٰ نے یہ بات بیان کی ہے۔
حاصل روایات : ان روایات بالا سے جن کو ابوہریرہ (رض) نے نقل کیا معلوم ہوتا ہے کہ جو آدمی جنابت کی حالت میں صبح صادق کرے وہ روزہ نہیں رکھ سکتا اگر رکھے گا تو اس کا روزہ نہ ہوگا بلکہ فاسد ہوگا کچھ لوگوں نے اسی کو اختیار کر کے اپنایا۔
فریق ثانی کا مؤقف :
جنابت کی حالت میں صبح صادق کرنے والے کا روزہ ہر حال میں درست ہے اس کے لیے حضرت عائشہ (رض) اور امّ سلمہ (رض) کی روایات شاہد ہیں۔ ملاحظہ ہوں۔