٣٣٧٣: رجاء بن حیوہ نے یعلی بن عقبہ سے نقل کیا کہ میں نے جنابت کی حالت میں صبح کی ہے اور میں روزہ رکھنا چاہتا تھا چنانچہ میں ابوہریرہ (رض) کی خدمت میں آیا اور ان سے سوال کیا تو انھوں نے کہا تم افطار کرو یعنی تمہارا روزہ نہ ہوگا۔
پھر میں مروان کے پاس آیا اور میں نے اس سے پوچھا اور میں نے اس کو ابوہریرہ (رض) کے قول کی اطلاع دی تو انھوں نے عبدالرحمن بن حارث کو عائشہ (رض) کی خدمت میں بھیج کر ان سے سوال کیا تو انھوں نے کہا جناب رسول اللہ (صلی اللہ علیہ وآلہ وسلم) نمازِ فجر کے لیے تشریف لے جاتے جبکہ جماع کے غسل سے آپ کے سر مبارک سے پانی کے قطرے ٹپک رہے ہوتے تھے پھر آپ اس دن کا روزہ بھی رکھ لیتے۔ پس عبدالرحمن مروان کی طرف لوٹ کر آیا اور اس کو اس بات کی اطلاع دی تو اس نے کہا تم ابوہریرہ (رض) کی خدمت میں جاؤ اور ان کو اطلاع دے دو عبدالرحمن ابوہریرہ (رض) کی خدمت میں گئے اور ان کو اطلاع دی تو انھوں نے کہا میں نے جو بات بیان کی ہے وہ میں نے خود جناب نبی اکرم (صلی اللہ علیہ وآلہ وسلم) سے نہیں سنی ہے بلکہ مجھے تو فضل بن عباس نے جناب نبی اکرم (صلی اللہ علیہ وآلہ وسلم) سے بیان کی ہے۔