٣٤٨٢: عبداللہ بن ابی سلمہ نے عامر بن سعد عن ابیہ سے روایت نقل کی ہے کہ انھوں نے ایک آدمی کو تلبیہ کے یہ الفاظ کہتے سنا : لبیکَ ذا المعارج لبیک ‘ تو سعد (رض) نے اس کو فرمایا ہم جناب رسول اللہ (صلی اللہ علیہ وآلہ وسلم) کے زمانہ میں اس طرح تلبیہ نہ کہتے تھے۔ حضرت سعد (رض) ہیں جنہوں نے جناب رسول اللہ (صلی اللہ علیہ وآلہ وسلم) کے سکھائے ہوتے تلبیہ پر اضافے کو ناپسند فرمایا ۔ ہم اسی کو اختیار کرتے ہیں۔
حاصل روایات : حضرت سعد (رض) کا اس کی اس حرکت کو ناپسند کرنا اس پر دلالت کرتا ہے کہ اس تلبیہ پر اضافہ درست نہیں جو جناب رسول اللہ (صلی اللہ علیہ وآلہ وسلم) نے سکھایا ہے۔ ہم اسی کو اختیار کرتے ہیں۔
اس باب میں امام طحاوی (رح) نے قول ثانی کو راجح قرار دیا اور یہ امام ابو یوسف (رح) کا قول ہے اور احتیاط اسی میں ہے۔